LIMSpec Wiki

Mozi (479 - 392 avC) foguèt un filosòf e un sabent chinés dei Periòdes dei Primas e deis Autonas e dei Reiaumes Combatents. Foguèt a l'origina dau moïsme que foguèt una escòla de pensada fòrça populara fins a l'unificacion de China a la fin dau sègle III avC.

Probablament nascut dins una familha d'artesans, venguèt premier confucianista avans de criticar aquela filosofia. En particular, assaièt de s'opausar ai rites funeraris fòrça lòngs dau confucianisme, ai guèrras e ais impòsts inutiles de son epòca. Sa doctrina èra tanben en favor d'un sistèma juridic fòrt per assegurar l'estabilitat de la societat. Après sa mòrt, sei successsors formèron dins lo corrent dei sègles IV e III avC un corrent militaro-religiós ben estructurat que sei partesans formèron de grops armats cargats de mantenir l'òrdre e la patz. Pasmens, la critica dei caps militars defenduda per lo moïsme subrevisquèt pas a l'unificacion per fòrça de China per Qin Shi Huang. L'escòla dispareguèt coma corrent independent e sa pensada foguèt integrada au canon taoïsta.

• Moïsme.