LIMSpec Wiki

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Geografie (verhollandst Eerdriekskónde) is de wetensjap die ziech bezeghèlt mèt alle fenomene die betrèkking höbbe op bestumde plaotse, gebiede, continente of de gaanse wereld. Geografie concetreert ziech ummer op 'n aon te wieze gebeed op de Eerd en is temeenste groetendeils synchroon, d.w.z. ze hèlt ziech bezeg mèt de situatie vaan noe, in contrast mèt de historie, die diachroon opgezat is.

Geografie vèlt in meenstens twie takke oeterein: fysische geografie en sociaal geografie. De ein betrèk ziech op de natuur vaan 'n zekere plaots en is doamèt verwant aon de natuurkónde en de biologie, de aander hèlt ziech bezeg mèt de bevolking vaan 'n zeker plaots en heet väöl te make mèt (culturele) antropologie, sociologie, taolkónde ezw. 'n Hiel oppervlakkege vörm vaan geografie is topografie, "plaots-besjrieving" en de cartografie, wat 't make vaan laandkaarte inhèlt; dees vörm vaan geografie is veural belaangriek op basissjaole.

• Lies vaan continente en len
• Lies vaan reviere
• Gebirgdes