LIMSpec Wiki
La cavalo (Equus ferus caballus) es un de du suspesies esistente de Equus ferus. Lo es un ungulato de orteos nonduable (en esta caso, sola un orteo resta, protejeda par un ungula (pd un ungia cornosa). La cavalo ia evolui tra 45 a 55 milion anios de un vivente peti con multe orteos - Eohipo - a la animal grande de oji. Umanas ia comensa domdoma cavalos sirca 4000 aec, e sua doma es probable vasta sperdeda par 3000 aec. La sola cavalo savaje es la cavalo de Przewalski (o cavalo savaje de Monglol) e lo es menasada par estingui. On ave un vocabulo spesial multe estendeda usada per parla de cavalos, mostrante la importa de la animal en la vive istorial e preistorial de umanas.
La anatomia de cavalos permete ce los usa sua rapidia per evita predores, e los ave un sensa eselente de ecuilibria e un responde forte per combata o fuji. Relatada, cavalos ave un cualia multe noncomun: los pote dormi e stante e reposante, con la jovenes dorminte plu ca la adultes. Cavalos fema jesta per sirca 11 menses, e un enfante pote sta e core pronto pos nase. La plu de cavalos domada comensa sua instrui su la sela o arnesida entre la edas de du e cuatro. Los ateni la developa completa como adultes par sinco anios, e ave un estende de vive de entre 25 e 30 anios.
