LIMSpec Wiki
Efni
![](https://upload.wikimedia.org/wikipedia/commons/thumb/a/a1/Torehytten.jpg/220px-Torehytten.jpg)
![](https://upload.wikimedia.org/wikipedia/commons/thumb/a/a9/Bergensbanen_finse.jpg/220px-Bergensbanen_finse.jpg)
Hardangervidda,( Harðangursheiði eða Harðangursvíðerni á íslensku), er stór heiði á mörkum Hörðalands, Þelamerkur og Buskerud í suður-Noregi í yfir 1000 metra hæð. Hún þekur nálægt 8000 km². Hæsti punkturinn er 1721 metrar en tindurinn Hårteigen (1,690 m.) er áberandi kennileiti þar. Heiðin er ofar trjálínu. Stórar hreindýrahjarðir hafast við á henni og nærast á fléttum. Þær eru stærstu villtu hreindýrahjarðir í Evrópu og telja um 15.000 einstaklinga.[1] Árið 2016 drápust yfir 300 hreindýr þegar eldingu laust niður í hjörð á heiðinni. [2] Heimskautarefur dvelur á heiðinni en honum hefur fækkað verulega. Hluti af Hardangervidda er þjóðgarður og er svæðið vinsælt til útivistar.
Bergensbanen, þ.e. lestarleiðin milli Bergen og Osló, fer um heiðina og er lestarstöðin í Finse í 1222 metrum.
Tilvísanir
- ↑ Getiði sagt mér eitthvað um dýralíf í Noregi? Vísindavefur. Skoðað 17. janúar 2016.
- ↑ 323 hreindýr drápust í þrumuveðri Rúv. Skoðað 6. september, 2016.