LIMSpec Wiki
![](https://upload.wikimedia.org/wikipedia/commons/thumb/b/bb/Greeneyes.jpg/180px-Greeneyes.jpg)
Okulo esas organo de la korpo dil animali qua detektas la lumo e transformas ol en elektrokemiala impulsi qui transportesas tra neuroni til la cerebro. Plu komplexa okuli uzesas por furnisar senco di vidado. Multa komplexa organismi inkluzite kelka mamiferi, uceli, repteri e fishi havas du okuli qui povas jacar sur la sama plano pro interpretita kom nura tri-dimensionala "imajo" (binokulara vidado), exemple homala vidado, od adsur diferanta plani produktinta du separa "imaji" (monokulara vidado), exemple kuniklo e kameleono.
L'okuli di animali qui havas jornal aktivesi diferas del okuli di animali kun noktal aktivesi. La retino en okulo di mamifero havas lumo-sensibla celuli. Li ne reaktas ad omna lumo qua eniras okulo, ma tre granda parto preteriras la celuli ed infiltras a retino ne donante ula efekto. Granda parto de noktala animali, exemple ratono, daxo e kato, havas dop la retino dina membrano ek guanino*-kristalo (tapetum lucidum), qua reflektas la lumoradii, qui iris preter la lumo-sensibla celuli di la retino. Tale la retino recevas lumo de du direcioni: de-extere e de-dope. La vido-habileso pluboneskas, ma guanino*-membrano funcionas anke kom reflektilo. Pro la reflekto l'okuli di ula animali brilas en tenebro, kande lumo trovas l'okulo.