LIMSpec Wiki
Neptun es li ottesim planete del Sole e li (savet) planete che max distantie al Sole in nor solari sistema. It es li quaresim max grand planete per diametre, lu triesim max massiv, e li max dens gigant planete. Neptun es 17 vezes li masse de Terra, e minimalmen plu massiv quam su presc-gemelle Uran. Neptun es ambi plu dens e minu grand quam Uran pro su plu grand masse e talmen plu grand gravitational compression de su atmosfere. Composit precipue de gases e liquides, it have nequal definit solid superficie.
Li planete orbita li Sole un vez chascun 164,8 annus a un medial distantie de 30,1 UA. It es nominat por li roman deo del mare e have li astronomic simbol 
, quel representa li tridente de Neptun.
Neptun ne es visibil al ocul nud e es li solmen planete in li solari sistema trovat per matematic prediction in vice de per empiric observation. Alcun ínexplicat changes in li orbite de Uran ductet Alexis Bouvard a hipotesisar que su orbite esset perturbat gravitationalmen per un ínsavet planete. Pos li morte de Bouvard, li position de Neptun esset predictet ex su observationes, independentmen per John Couch Adams e Urbain Le Verrier. Neptun esset observat subsequentmen per un telescop ye 23 Septembre 1846 per Johann Galle intra un gradu del position predictet per Le Verrier. Li max grand lune de Neptun, Triton, esset decovrit bentost poy, benque nequant del altri 14 savet lunes esset trovat telescopicmen til li 20m secul. Li distantie del planete del Terra causa it de haver un tre micri aparent grandore, que studiar it con terrestri telescopes es contestant. Neptun esset visitat per Voyager 2, quande it volat tra li planete ye 25 August 1989; Voyager 2 remane li sol vehicul spacial que ha visitat Neptun.[1][2] Li ariva del Hubble Spacial Telescop e grand terrestri telescopes con adaptiv optica ha permisset recentmen plu detalliat observationes.
Quam li gasosi gigantes (Jupiter e Saturn), li atmosfere de Neptun es composit precipue de hidrogen e helium, con tracies de hidrocarbones e forsan nitrogen, ma it contene un plu alt proportion de glacies quam aqua, ammoniac, e metane. Simil a Uran, su interiore es chefmen composit de glacies e petre; ambi planetes es classifica quam "glacial gigantes". In constraste al nebulosi, instructurat atmosfere de Uran, to de Neptu have activ e visibil tempic sistemas, simil a Jupiter. Pro su grand distantie del Sole, li exteriori atmosfere de Neptun es un del max frigid locos in li solari sistema, con temperaturas de 55° K.
Neptun have un obscur e fragmentat anellic sistema (nominat "arcs"), decovrit in 1984 e poy confirmat per Voyager 2.
Vide anc
Referenties
