LIMSpec Wiki

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre un tipo d'edificio. Ta atros usos se veiga Faro (desambigación)

Un faro ye un edificio en forma de torre con un aparato luminoso en o cabalto que emite sinyals de luz, por meyo d'un conchunto de luces y lents en un intervalo de tiempo determinato. Sirven como aduya a la navegación maritima y t'avisar de periglos en a costa u dentratas de puertos.

A concentración eficient d'a luz dende una fuent omnidirecional como la d'o tipo emplegata en os faros requieren unas lents d'un diametro muit gran. Ixo feba que fuesen unas lents muit gordas y pesatas dica l'aparición d'as lents fresnel, o disenyo d'as cuals permitió a construcción de grans lents y d'un punto focal mas curto sin o peso y o volumen d'as anteriors.

Ta conservar a enerchía la luz se concentra de dos maneras

• verticalment a luz se concentra en una francha horizontal
• horizontalment a luz se concentra en una u dos direccions, pero a rotación d'a lampa fa que se veiga en tot l'horizont.

Os faros son codificatos nacionalment y internacional con un numero en os libros de faros, en éls se describen o suyo nombre, a suya situación y posición en latitut y lonchitut, l'altaria d'o foco luminoso sobre a livel d'a mar, a suya forma y color, o tipo de luz: color, agrupacions, intensidat y duración en o tiempo d'as lampas; y a longaria nominal d'a lampa.

En a mesma ciudat de Zaragoza, encara que no bi ha mar, se puet trobar un faro funcional de tot. O faro d'a Cambra de Comercio de Zaragoza se construyó entre 1940-1941, d'estilo contemporanio ye obra de Regino y José Borobio y José Beltrán Navarro. Tien una altaria de 59 m.

L'orichen d'a parola faro se debe a la construcción en a isla de Pharos debant d'a ciudat d'Aleixandría en l'antigo Echipto d'una torre de bels 134 metros d'altaria con un foco dencima ta guiar a las naus.

• Se veigan as imáchens de Commons sobre faros.
• (es) Libro de faros, toz os faros d'Espanya
• (es) Información Cambra de Comercio
• (es) Cambra de Comercio en a pachina de Turismo de Zaragoza