LabLynx Wiki

Piguz (standartine znam: latin.: vēlōcitās-sanaspäi) om vektorine fizine suruz, harakterizuib sirdmižen heredust i materialižen čokkoimen likundan čuradust valitud lugendsistemas.

Klassižes mehanikas suruz om čokkoimen radiusvektoran toižetišhe aigan mödhe tazostadud:

Piguz märičese metril sekundas SI-sistemas, santimetril sekundas SGS-sistemas.

Vepsän keles piguden skalärine suruz nimitase mugažo pigudeks, se suruz om piguden vektoran modul' vai čokkoimen algebraline piguz, toižin sanoin -vektoran projekcii čokkoimen traektorijan kosketajale. Erasiš-se toižiš keliš skalärine piguz nimitase eriližikš, oz., celeritas latinan keles, speed anglijan keles.

«Piguz»-termin kävutase tedos avaros-ki el'genduses kut miččen-se suruden (ei vaiše radiusvektoran) vajehtusen heredust toižen suruden rindataden (aig paksumba, no avaruz da tž. oleldas). Oz., sekoidas saumpigudes, lämuden vajehtusen, himižen reakcijan, gruppan i ühtištusen piguziš. Matematižikš «vajehtusen hereduz» harakterizuiše kaceltud suruden toižetišel.

Augotižpiguz () om materialižen čokkoimen piguz kurol aigan pordhišton mödhe.

Toižed levitadud piguded:

• kosmižed piguded;
• lainhiden levigandusen piguded;
• kulundan piguz;
• vauktusen piguz;
• gravitacijan piguz.

Linearine piguz:

• metr sekundas (m/s);
• kilometr časus (km/č), vai n kilometrad časpiguz;
• sol'm (merimijläd časus);
• Mahan lugu, 1 Mah om kulundan pigudehe tazostadud;
• vauktusen piguz vakuumas (znamoitas c).

Saumpiguz:

• radianad sekundas, sen fizine märičend om 1/s;
• pöruded sekundas (tehnikas);
• gradusad (vai gradad) sekundas.

• 1 m/s = 3,6 km/č
• 1 sol'm = 1,852 km/č = 0,514 m/s
• Маh 1 ~ 330 m/s ~ 1200 km/č (rippub il'man olijoiš arvoimižišpäi)
• c = 299 792 458 m/s

• impul's
• kinetine energii
• pigustuz

• Otta pigut — lähtta joksten erazvuiččihe polihe.
• Pigudenotand — piguden ližaduz sijalpäi.