LabLynx Wiki

1847 (MDCCCXLVII) — година според општоприфатениот календар. Тоа била 1847 година од новата ера, 847. од вториот милениум, 47. од XIX век и осма од 1840-тите.

Истата година се среќава поинаку во календарите на различни народи и култури. Меѓу попознатите се вбројуваат: византискиот, асирскиот, еврејскиот, римскиот, кинескиот, будистичкиот и исламскиот.

Така, во византискиот календар, којшто времето го мери од создавањето на светот според Библијата, на 1 септември 5509 г. п.н.е. според продолжениот јулијански календар, истата трае во текот на 7355 и 7356 година. Според асирскиот календар, во којшто мерењето на времето започнува од 4750 г. п.н.е, кога се проценува дека бил изграден првиот храм во граот Асур, станува збор за 6597 година. Понатаму, во еврејскиот календар, којшто започнува на 1 септември 3760 г. п.н.е. според продолжениот јулијански календар или околу една година пред создавањето на светот според Евреите, годината се протега во текот на 5607 и 5608 еврејска година. Според календарот на Римјаните, којшто започнува од 753 г. п.н.е., кога браќата Ромул и Рем го основале градот Рим (познато и како Ab urbe condita), годината е избројана како 2600.

Во рамките на кинескиот календар, пак, постојат две поделени мислења за почетокот на броењето на годините: едни сметаат дека тоа е 61 година од владеењето на легендарниот Жолт цар или 2637 г. п.н.е.; додека други сметаат дека за почеток треба да се земе годината кога Жолтиот цар станал владетел, т.е. 2697 г. п.н.е. На тој начин, според првото гледиште, 1847 година се протега во 4483 и 4484, додека според второто гледиште, годината трае во текот на 4543 и 4544 кинеска година. Будистичкиот календар започнува да го мери времето од 543 г. п.н.е., година во којашто се смета дека Буда достигнал состојба на нирвана, и годината ја брои како 2390. Според исламскиот календар, во којшто мерењето на времето започнува со 622 година, т.е. годината на пребегнувањето на пророкот Мухамед од Мека во Медина (позната и како хиџра), годината се протега во текот на 1263 и 1264 исламска година.

• Завршило градењето на Црква „Св. Пантелејмон“ - Велес.
• Константин Миладинов станал учител во селото Трново, битолско.
• Маркс и Енгелс се приклучуваат кон Сојузот на комунистите и се овластени да го напишат неговиот манифест, денес познат како „Комунистички манифест“.
• Либерија добива независност.

• 11 февруари - Томас Алва Едисон, американски техничар и пронаоѓач.
• 10 април - Џозеф Пулицер, значајно име во американското новинарство.
• 20 август - Болеслав Прус, полски новинар, романописец и раскажувач.
• 20 октомври - Оскар Сван, шведски стрелач кој се натпреварувал на 3 Олимписки игри на кои освоил медал.

• 4 ноември - Феликс Менделсон - Бартолди, германски композитор, пијанист и диригент, истакнат претставник на епохата на роматизмот.

• 1847 на Ризницата ^?