LabLynx Wiki

Albus (-a, -um.) est color qui aut absentia ullius coloris vel omnibus lucis coloribus commixtis definiri potest. Albus color est nivis et agnorum. Romae antiquae mulieres vestibus albis indutae funera sequebantur; sed et in aliis ritibus sacrificiisque albae vestes induebantur, nam

Alba decent Cererem; vestes Cerealibus albas
Sumite,

ut Ovidius monet^[1]; et simulacra deorum ipsorum vestibus albis decorabantur, nam, ut Cicero affirmat,

Color albus praecipue decorus deo est, cum in ceteris, tum maxime in textili^[2].

Servius alba et candida sic distinguit:

Aliud est candidum, id est, quadam nitenti luce perfusum esse, aliud album, quod pallori constat esse vicinum^[3]

Interdum simpliciter lucidum quoddam significat et atro colori opponitur, e.g. apud Plautum:

Album an atrum vinum potas?^[4]

vel Ciceronem:

Democritus luminibus amissis alba discernere et atra non poterat^[5].

Albus an ater sis, nescio proverbium est de eo, quem omnino nescimus nec scire volumus, quod Catullus (93), Cicero^[6], Quintilianus^[7] aliique utuntur.

Interdum albus et nigro opponitur^[8].

Symbolice^? albo colore puritatem significamus, quamobrem, quae mulieres in matrimonium ducuntur, vestibus albis ornari solent.

Albicolores etiam homines ex Europa orti vocantur.

In bello, vexillum album est signum deditionis.

• 
  Alba Caroli Darwin barba
• 
  Conclavia alba
• 
  Vestis alba
• 
  Alea alba, punctis nigris facta
• 
  Ovum album Galli galli domestici

• Albidus
• Albinismus
• Candidus
• Eburneus
• Niveus

Vide albus in Victionario.

Haec pagina verba incorporat ex Aegidii Forcellini Lexico Totius Latinitatis, 1775. Versio interretialis

• glossa-dictionary (Latine, Anglice)
• De albo colore in Libello de coloribus Antonii Thylesii

Colores Latini: series paginarum brevium

Circa album Albus • Candidus • Niveus • Lacteus • Albidus • Eburneus Circa flavum Flavus • Luteus • Croceus • Luridus • Helvus et helvolus • Gilvus • Chlorus Circa fulvum Fulvus • Aurantius • Aureus • Aureolus • Rufus Circa rubrum Roseus • Flammeus • Rufus • Ruber • Rubicundus • Rubidus • Rutilus • Sanguineus • Coccineus • Russus • Githagineus • Puniceus Circa fuscum Ravus • Ochroleucus • Gilvus • Ochraceus • Badius (castaneus) • Brunneus • Fuscus • Aquilus • Ferrugineus • Aeruginosus Circa viridem Viridis • Virens • Prasinus • Olivaceus • Chlorus • Gilvus • Callainus Circa caeruleum Azureus • Caeruleus • Indigoticus • Lividus • Ultramarinus • Caesius • Glaucus • Cyaneus • Cyaninus • Callainus • Venetus • Aeruginosus Circa violaceum Purpureus • Rubropurpureus • Violaceus • Puniceus • Lilacinus Circa canum Argenteus • Canus • Cinereus • Griseus • Caesius • Glaucus Circa nigrum Ater • Atratus • Niger • Nigritus • Furvus • Piceus • Pullus • Fuligineus