LabLynx Wiki

Annus 2024 e serie paginarum brevium de annis.

2024 = MMXXIV. De nostro numerorum Romanorum usu hic legere potes. Ut de numero 2024 legas, vide 2024 (numerus).

• 9 Ianuarii: Gabriel Attal ab hoc die primus minister Franciae meret, omnium usque hodie iuvenissimus, solus qui se homosexualem esse nuntiaverit.
• 14 Ianuarii: Regnum Daniae a Margareta II hodie depositum filio eius Friderico X redditur.
• 11 Februarii: Alexander Stubb praeses Finniae eligitur.
• 7 Martii: Suecia tricesimus secundus socius Civitatibus Foederis Atlantici Septentrionalis accedit.
• 13 Aprilis: Irania plus quam 300 missilia in Israël excutit. Plurima eorum ab Israël, eius sociis necnon Iordania intercipiuntur; aliqua stationes militares leviter laedunt. A partibus praecipitantibus autem puella quaedam graviter laeditur.
• 16 Aprilis: Bursa vetus Hafniae saeculo decimo septimo exstructa flammis deletur.
• 5 Iulii: Keir Starmer, praeses factionis Laboris, ab rege Carolo III primus minister regni Britanniarum nominatur.
• 26 Iulii: Lutetiae ad ripas Sequanae Ludorum Olympiae dedicationis ceremonia datur.
• 8 Augusti: In Bangladesa post seditionem studentium Mahometus Ionas ut Primus minister temporalis iusiurandum iurat.
• 9 Octobris: Hurracanum Milton partem Floridae devastavit et 16 homines necavit. Tres miliones domiciliorum fluento electrico carebant.
• 24 Octobris: Nova domus ornata Pompeiis invenitur.
• 6 Novembris: Donaldus Trump iterum praeses Civitatum Foederatarum Americae eligitur; post Stephanum Grover Cleveland secundus est praeses, qui in Domum Albam post quattuor annos revertit.
• 14 Novembris: Ingens corallium longitudine 34 metrorum iuxta Insulas Salomonis in mari invenitur. Hoc est maximum omnium coralliorum adhuc notorum.
• 7 Decembris: Ecclesia Cathedralis Nostrae Dominae Parisiensis incendio anno 2019 graviter laesa solemniter reaperitur.
• 8 Decembris: Post bellum civile undecim annos in Syria gestum, per quod sexties centena milia hominum necati sunt, rebelles dictatorem Baššār al-Asad depellunt.
• 13 Decembris: Franciscus Bayrou a praeside rei publicae Emmanuele Macron primus minister Franciae nominatus est.

Nati huius anni desiderati (, hanc formulam remove, vide etiam 0 fere paginas in categoria Categoria:Nati 2024)

• 16 Februarii: Alexius Navalnyj, politicus et corruptionis investigator Russicus, incarceratus in colonia urbana Charp^(ru) in Russiae districtu autonomo Iamalo-Nenetico sita.
• 19 Maii: Ibraimus Ra’īsī Iraniae praeses helicoptero in montibus Atropatenae Orientalis rupto perit.