LabLynx Wiki

La 25-a de aprilo estas la 115-a tago de la jaro (la 116-a en superjaroj) laŭ la gregoria kalendaro. 250 tagoj restas.

Je la 25-a de aprilo okazis, interalie:

Eventoj

-404: Antikva Grekio: Peloponeza milito finiĝis
775: Armeo de Abasida Kaliflando decide venkis armenajn princojn en la batalo de Bagrevando - komenco de grandskala armena migrado en la Bizancan Imperion
799: Rezulte de la komploto de romia nobelaro papo Leono la 3-a estis atakita kaj vundita dum procesio, kaj poste demisiita kaj enprizonigita en monaĥejo
1058: Malkolmo la 3-a kroniĝis kiel reĝo de Skotlando
1077: Ladislao la 1-a iĝis reĝo de Hungario
1185: En japana markolo Ŝimonoseki okazis marbatalo nomata batalo de eraoj - komenciĝis la epoko de Kamakura
1333: Pollando: Kazimiro la Granda kroniĝis en Krakovo kun sia edzino - lasta reĝo de la unua pola dinastio de Piastoj
1459: En Cheb subskribiĝis traktato inter Reĝlando Bohemio kaj Saksio, en kiu oni fiksis komunan landlimon, unu el la plej malnovaj ekzistantaj ĝis hodiaŭ en Eŭropo
1507: Germana kartografo Martin Waldseemüller en sia verko Cosmographiae Introductio unuan fojon uzis nomon Ameriko por malkovrita nova kontinento
1512: Otomana Imperio: sultano Selim la 1-a devigas sian patron Bajezido la 2-a eksiĝi
1541: Hispanoj fondis la urbon Arica en Peruo (nun apartenas al Ĉilio)
1607: Okdekjara Milito: marbatalo de Ĝibraltaro: nederlanda ŝiparo detruis la hispanan
1644: Ĉinio: Dinastio Ming falis - imperiestro Chongzhen sinmortiĝis dum kamparana ribelo gvidata de Li Zicheng
1707: Milito de Hispana Sukcedo: Batalo de Almansa okazis
1719: Novelo Robinsono Kruso de Daniel Defoe aperis
1792: Franca revolucio: Claude Joseph Rouget de Lisle verkis kanton por rejna armeo, pli konata kiel Marseljezo; unua verdikto pri mortpuno helpe de gilotino plenumita
1809: Venko de pola armeo kontraŭ la aŭstra en batalo de Radzymin
1839: Afganio: brita ekspedicia korpuso aneksis sen batalo Kandaharon
1839: Pola geografo, geologo kaj esploristo Paweł Edmund Strzelecki dum sia vojaĝo ĉirkaŭ la mondo alvenis al Aŭstralio
1840: Pollando: tertremo kun forto de ĉirkaŭ 5 gradoj laŭ la skalo de Richter okazis en Pieniny
1846: Meksika-Usona Milito komenciĝis
1848: Aŭstra imperio proklamis konstitucion
1848: Irlanda astronomo Andrew Graham malkovris asteroidon Metiso
1859: Franca diplomato kaj entreprenisto Ferdinand de Lesseps enmetis en Port Said ŝpaton en sablon, simbole inaŭgurante konstruon de Sueza Kanalo
1882: Franca armeo konkeris Hanojon en norda Vietnamio
1898: Anonco de la Hispana-usona milito, kiu komenciĝis la 21-an de aprilo
1900: Polusa ekspedicio sub gvido de itala duko Luigi Amedeo alproksimiĝis al rekorda distanco de la norda poluso atingante 86°34′ de latitudo
1906: Usona astronomo Joel Hastings Metcalf malkovris asteroidon Luizo
Unua mondmilito
- 1915: Britoj kun ANZAC, taĉmentoj de aŭstraliaj kaj nov-zelandaj armeaj korpusoj, surgrundiĝis sur turka duoninsulo Kalipolis - batalo de Kalipolis komenciĝis
- 1918: Ruĝa Armeo malfondis Krimean Popolan Respublikon
1920: Soveta-Pola Milito: pola-ukraina militiro al Kievo komandata de Józef Piłsudski komenciĝis cele de kreo de federacio de Mez-Eŭropaj ŝtatoj
1920: Dum la konferenco de Sanremo ĉefaj aliancanoj de la unua mondmilito rezoluciis pri asignado de mandatoj de Ligo de Nacioj por administrado de iamaj Otomanaj teritorioj en Proksima Oriento
1926: Reza Ŝaho Pahlavi kroniĝis kiel ŝaĥo de Irano
1926: Milano: En Teatro alla Scala okazis prapremiero de nefinita opero Turandot de Giacomo Puccini - kompletigita nur post lia morto de Franco Alfano
Dua mondmilito
- 1940: en Krakovo dum laborkonferenco pri sekureco en Ĝenerala Gubernio Hans Frank ordonis realigon fare de sekureca polico de Eksterordinara Ekstermiga Agado
- 1941: Komisaro de popola ŝtata sekureco de Litova Soveta Socialisma Respubliko ordonis amasan deportadon en Sovetunion kun aparta konsidero de la gvidantoj de polaj organizaĵoj; Balkana Fronto: Adolf Hitler subskribis direktivon n-ro 28 pri ekrego de Kreto (operaco Merkuro); Usono donis krediton de 50 milionoj da usonaj dolaroj al Ĉinio; Kamboĝo: surtroniĝis reĝo Norodom Sianuk
- 1942: Operaco Reinhardt: germana polico deportis al Izbica (distrikto Krasnostawski) 961 judojn de Bamberg kaj Würzburg; RAF atakis nokte de la 24-a/25-a de aprilo Rostock, kaj Luftwaffe - Exeter (25 bombaviadiloj); de la 25-a/26-a RAF atakis Rostock kaj Luftwaffe Bath
- 1943: nokte de la 25-a/26-a de aprilo germana 9-a Aviada Korpuso atakis grupiĝon de ŝipoj en Portsmouth - pro malbonaj atmosferaj kondiĉoj la atako estis senefika; Luftwaffe atakis en la regiono (197 aviadiloj)
- 1945: soveta aeratako kontraŭ Brno; en Slovenio aliancita aerarmeo denove bombis Jesenice; Okcidenta Fronto: 30-a Armea Korpuso de brita 2-a Armeo eniris al Bremeno, kaj trupoj de usona 3-a Armeo okupis Ingolstadt; Unua Armeo de Pola Soldataro akre batalis kontraŭ armeo de Felix Steiner iranta kun helpo al Berlino; finna armeo elpelis lastajn germanajn taĉmentojn - fino de la Laponia milito; polaj bombaviadiloj partoprenis bombadon de la kvartiro de Hitler en Berchtesgaden; germana armeo forlasis lastajn grandajn urbojn en Italio: Ĝenovo, Milano kaj Torino puŝita de la anglo-usonaj aliancitoj kaj de la italaj partizanoj; Elba Tago: proksime al Strehla kaj Torgau apud Elbo okazis posttagmeze unua renkontiĝo de la Ruĝa Armeo kaj Usona Terarmeo; disdivido de la teritorio kontrolata de Wehrmacht al 2 partoj, la norda kaj la suda; ekspedicio de RAF kaj Pola Bomba Skadro 300 al sidejo de Adolf Hitler en Berghof; usona 8-a Aviada Armeo atakis Plzeň; Orienta Fronto: 1-a Armeo de Pola Soldataro reĵetis provon de milita helpo al Berlino, kie 47-a Armeo ekregis kelkajn kvartalojn, kaj Kirasitaj Armeoj ekregis Steglitz-Zehlendorf; Blatnice pod Svatým Antonínkem liberigita; Itala Fronto: usona 2-a Armea Korpuso eniris al Verono, kaj la ribelo disvastiĝis al Cuneo; Itala kontraŭnazia rezistmovado: kun liberigo de Torino kaj Milano de la nazi-faŝisma okupado la tagoj de Itala Socia Respubliko plenumiĝis
1945: Konferenco pri Internacia Organizado de Unuiĝintaj Nacioj komenciĝis en San-Francisko, kiun partoprenis 50 ŝtatoj-fondintoj; responde al proponoj de Heinrich Himmler - pere de usona parlamentano en Stokholmo - prezidento Harry Truman postulis kapitulacon de Germanio en ĉiuj frontoj
1946: Germanio: konsekrado kaj unua diservo en la belorusa ortodoksa eklezio en Regensburg
1949: En Moskvo komenciĝis unua sesio de la Konsilio de Reciproka Ekonomia Helpo, kiun partoprenis Sovetunio, Bulgario, Ĉeĥoslovakio, Hungario, Pollando kaj Rumanio
1952: En Federacia Respubliko Germanio oni kreis federacian landon Baden-Virtembergo
1953: En la revuo "Nature" aperis artikolo de James Watson kaj Francis Crick, priskribanta modelon de duobla helico de DNA
1960: Submarŝipo Triton de Usona Mararmeo finis unuan submaran ĉirkaŭnavigadon de la mondo
1961: Usonano Robert Noyce patentigis integran cirkviton
1963: En Libio oni abolis federacion favore al Reĝlando Libio
1966: Uzbekio: Taŝkento estis trafita de forta tertremo - restarigo de la centra parto daŭris 3,5 jarojn
1974: Revolucio de la Diantoj en Portugalio komenciĝis; la lando direktiĝis al demokratio - laŭ tiu ĉi evento oni renomis la Salazar-ponton Ponto 25-a de aprilo
1975: Portugala Socialista Partio gajnis parlamentan baloton
1982: Israelo retiriĝis de Sinajo
1982: Falklanda milito: britaj taĉmentoj rekonkeris Sud-Georgion
1983: Metroo de Lillo ekfunkciis en Francio - unua en Eŭropo moviĝanta laŭ la sistemo Vehiklo Aŭtomata Leĝera
1988: Nova ondo de laboristaj strikoj eksplodis en Pola Popola Respubliko, kiu ampleksis i.a. Gdańsk, Stalowa Wola kaj Nowa Huta - ĝi alkondukis al kunsido de la Ronda Tablo
1990: Violeta Chamorro kiel unua virino en Ameriko ekpostenis kiel prezidentino de Nikaragvo
1990: Unu tagon post komenco de la misio STS-31 teamo de kosmopramo Discovery sukcese enorbitigis kosmoteleskopon Hubble
1992: En Kievo oni malfermis muzeon de Ĉernobilo
1998: Litovio: fonda kongreso de politika partio Nova unio
2000: Konsilio pri Homaj Rajtoj ĉe Unuiĝintaj Nacioj kondamnis la rusian politikon en Ĉeĉenio
2002: Sud-afrika entreprenisto Mark Shuttleworth iĝis dua kosmoturisto
2004: Heinz Fischer gajnis prezidentan balotadon en Aŭstrio
2005: 107 personoj pereis kaj 555 vundiĝis en katastrofo de pasaĝera trajno en japana urbo Amagasaki
2005: Bulgario kaj Rumanio subskribis interkonsentojn pri aliĝo al Eŭropa Unio
2005: Lasta el tri fragmentoj de la obelisko de Aksumo revenis al Etiopio, rabita de italaj faŝistoj en 1937, post la italia-etiopia milito
2008: Srilanko: ne malpli ol 26 personoj pereis en bomba atenco kontraŭ aŭtobuso en Kolombo
2008: En la revuo "Science" aperis esplorrezultoj pri klasifiko de tiranosaŭroj en filogeneza arbo pli proksime al birdoj ol reptilioj
2010: En Hungario konservativa kaj iom eŭroskeptika partio Fidesz gajnis parlamentan balotadon - Viktor Orbán iĝis ĉefministro
2010: En Aŭstrio oficanta prezidento Heinz Fischer gajnis prezidentan balotadon
2011: Prezidento Pál Schmitt subskribis novan konstitucion de Hungario
2012: Surlime inter Armenio kaj Azerbajĝano dum pripafado en Tavuŝo pereis 3 armenaj soldatoj
2015: 8964 personoj pereis en tertremo en Nepalo kaj 23 447 vundiĝis
Invado de Rusio en Ukrainion:
- Antony Blinken, Usona Sekretario de Ŝtato, kaj Lloyd Austin, Usona Sekretario de Defendo anoncis pluan financan helpon al Ukrainio kaj landoj de Mez-Orienta Eŭropo egalan al 713 milionoj da usonaj dolaroj; Rusio agnoskis 40 diplomatojn el Germanio kiel nedezirindaj personoj - simetria respondo; Zbigniew Ziobro: Internacia Puna Kortumo aliĝis al enketado de Ukrainio, Pollando kaj Litovio pri supozeblaj rusiaj amasaj krimoj en Ukrainio
- 2023: EU transdonis al Ukrainio 1,5 mld da eŭroj; Svedio forigis 5 rusiajn diplomatojn