LabLynx Wiki

Dä Artikel behandlet en Schwizer Musiker, anderi Bedütige finded sich under Gustav (Begriffsklärung).

De Gustav (* 29. April 1975 als Pascal Vonlanthen z Fryburg im Üechtland) isch en Schwizer Musiker und Sänger.

De Pascal Vonlanthen hät sich scho 1998 als Pseudonym Gustav gnännt. Er spillt verschidnigi Instrumänt und singt, wil er us em zweisprochige Kanton Fryburg chunnt, uf Mundart (Seislertütsch) und Französisch. Er singt in es paar Lieder au Hochdütsch.

I de ganze Schwiz bekannt worde isch de Gustav im Joor 2010, wil er i de Färnseesändig „Kampf der Chöre“ mitgmacht hät. Döt hät er mit sine eigewillige und uugwöönliche Interpretazione vo Lieder mit „sim Chor“ de Wettkampf gwunne.^[1]

S Album GUSTAV (2 CD – Trésors & Trouvailles), won er im August 2011 usebroocht hät, isch i de Schwizer Albumtscharts grad uf Platz 2 gstarted.^[2]

• 1998: Die Erste (Gustav & das Kummerorchester)^[3]
• 2000: Gegen Süden>Vers le sud (Gustav & Polterensemble)^[3]
• 2002: Rosemary’s Bar (Gustav & Elektric Noise Club)^[3]
• 2005: Ultra’Vista (Gustav & L’Ultra’Vista Social Club)^[3]
• 2007: Les jardins de mon cœur (Gustav & son Lonely Heart Attack Band)^[3]
• 2010: 666^[3]
• 2011: Gustav (Gustav & les Black Poets) und (Trésors & Trouvailles) Best of Doppel-CD^[3]
• 2013: The Holy Songbook^[4]
• 2016: 9 – neuf – neun – nün

• 2007: Di Wäg / Ton chemin
• 2011: Ritter
• 2012: 100'000 gouttes d’eau (Jede Rappe zellt)
• 2013: Gin
• 2016: Tous ensemble

• Offizielle Videoclip Tous ensemble (isch de offizielli EM Song vo de SRG zur Uefa Euro 2016 gsi)

• d Website vom Gustav (gustavmanufactur.ch – früener gustav.ch)
• Gustav Künstlerporträ inkl. Plazierige i de Schwizer Hitparade, uf hitparade.ch

1. ↑ Gustav gewinnt die TV-Show Kampf der Chöre Artikel uf songtexte.com vom 29. November 2010
2. ↑ Gustav Imfos öber s Album uf hitparade.ch abgrüeft am 10. Februar 2013
3. ↑ ^{3,0 3,1 3,2 3,3 3,4 3,5 3,6} Gustav d CD uf hitparade.ch
4. ↑ Gustav: «The Holy Songbook», ein ganz spezielles Album Radio SRF, Sändig «Swissmade» vom 1. November 2013