IHE Wiki

Ittrii on Dmitrii Mendelejevan alguainehien sistiemallizen järjestyksen viijenden riävyn kolmanden joukon sivujoukon alajoukon alguaineh. Sen atoman noumer on 39. Sen kirjutusmerki on Y (lat. Yttrium). Prostoi ittrii on metallu valpahanharmuadu värii.

Vuvvennu 1794 suomelaine hiimiekku Juhan Gadolin (1760-1852) eroitti itterbitan minerualas tämän alguainehen oksiidan, kudamale häi pani nimen ittrien Ruočin Itterby-eländypaikan mugah. Se on Resarö-suarel, kudai kuuluu Stokgol'man suaristoh. Itterbitan löyttih sie tyhjäs karjieras.