IHE Wiki

Asia marupokan banua tagadang dan bapopulasi tapadek di dunia jo wilayah nan mancakuik 8,6% pamukaan Bumi nan maliputi 50 nagara nan tasebar dari daratan laweh Asia Kaciak, Timur Tangah, hinggo Samudera Pasifik. Sakitar 60% populasi dunia tingga di Asia.

Banua Asia jo Eropa marupokan banua nan tahubuang lewat darek dan kaduonyo mambantuak suatu banua raksasa nan disabuik sabagai Eurasia. Bateh antaro Asia jo Eropa amaik kabua sahinggo babarapo nagara sarupo Turki kadang-kadang dapek dimasuakan ka Asia maupun ka Eropa. Babarapo bentang alam nan acok dipakai untuak mamisahn kaduo banua tasabuik adolah Dardanella, Lauik Marmara, Salek Bosporus, Lauik Hitam, Pagunuangan Kaukasus, Lauik Kaspia, Sungai Ural (atau Sungai Emba), jo Pagunuangan Ural hinggo Novaya Zemlya. Salain itu, Banua Asia jo Afrika juo punyo pabatehan darek nan badakekan di sakitar Tarusan Suez.

Sabagaimano alah disabuikan, Asia dapek dianggap sabagai suatu bagian dari banua Eurasia nan labiah gadang. Untuak pambagian badasarkan istilah ko, caliak Eurasia Utara jo Eurasia Tangah.

Asia surang acok dibagi-bagi manjadi babarapo wilayah:

Indak ado konsensus pasti tantang panggunoan istilah ko, namun biasonyo mancakuik

• Uzbekistan, Tajikistan, Turkmenistan, Kirgizstan, Kazakhstan, Armenia, Russia, Azerbaijan.

Asia Timur disabuik juo Timur Jauah, karano urang Eropa maliek latak geografisnyo amaik jauah dari Eropa. Istilah ko mancakuik:

• Kapulauan Samudra Pasifik Taiwan jo Japang.
• Korea Utara jo Korea Selatan di Samananjuang Korea.
• Republik Rakyaik Cino
• Hong Kong

Daerah ko mancakuik Samananjuang Malaka, Indochina jo kapulauan-kapulauan di Samudra Hindia jo Samudra Pasifik. Nagara-nagara nan tamasuak daerah ko adolah:

• Di daratan Asia Tenggara: Myanmar, Thailand, Laos, Kamboja, Vietnam, jo Malaysia Barat
• Di Kapulauan Asia Tenggara: Malaysia Timur, Filipina, Singapura, Indonesia, Brunei jo Timor-Leste.

Malaysia dibagi manjadi duo bagian dek Lauik Cino Selatan, dan daratan, daratan partamo di Samananjuang Malaka, jo nan kaduo ado di Pulau Kalimantan. Dek itu punyo bagian daratan jo bagian kapulauan

Namo duo kapulauan Malaysia:

• Kapulauan Malaysia Timur ado pado Pulau Kalimantan. Tadiri dari duo nagara bagian Sabah jo Serawak.
• Kapulauan Malaysia Barat ado pado sabalah selatan Thailand. Tadiri dari Selangor, Nagari Sembilan, Kelantan, Johor, Perak, Pahang, dll

Asia Selatan tadiri dari:

• Nagara-nagara Himalaya: India, Pakistan, Nepal, Bhutan jo Bangladesh
• Nagara-nagara Samudera Hindia: Sri Lanka jo Maladewa.
• Julukan untuak nagara India adolah : Anak banua Asia, Asia muko.

Acok dipanggia jo namo Timur Tangah meski istilah ko juo kadang digunokan untuak marujuak kapado nagara-nagara di Afrika Utara. Asia Barat dapek dibagi lai kapado:

• Nagara pulau Siprus di Lauik Tangah.
• Levant atau Timur Dakek, nan tamasuak Suriah, Yordania, Lebanon jo Irak.
• Jazirah Arab, tamasuak Arab Saudi, Uni Emirat Arab, Bahrain, Qatar, Oman, Yaman jo kadang juo Kuwait.
• Daerah Kaukasus, tamasuak Azerbaijan jo Armenia.
• Hamparan Iran, nan tadiri dari Iran jo bagian nagara-nagara lain.

Juo caliak Nagara-nagara Taluak untuak pangalompokan babeda nan barisi babarapo nagara-nagara di ateh.