IHE Wiki
Inhaud
Dit artikel is gesjreve (of begós) in 't Nuts. Laes hie wie v'r mit de versjillende saorte Limburgs ómgaon.
Weitesjap (oet 't Latien: scientia, kènnis) is 't minsjelik sjtraeve om 'n model van zien omgaeving te sjöppe doer dit te besjtudiere en in terme van waor en onwaor te besjrieve. 'n Feit dat veur waor weurt aangenomme zónger bewies hèt 'n axioma.
Mit '(de) weitesjap' weurt zoewaal de verzamelde kènnis as de activiteit van 't verzamele van dees kènnis bedoelt. De meneer woerop weitesjap kènnis verzamelt, is te ongersjeie in zuver weitesjappelik ongerzeuk, 't straeve noa verdeping en oetbreiing van kènnis) en toegepas weitesjappelik ongerzeuk, dat gerich is op praktische doeleinde. Veur óngerzeuk hantiert me bepaalde weitesjappelike criteria en ongerzeuksmethodes. De (weitesjappelike) sjtudie van weitesjap en de weitesjappelike methode hèt weitesjapsfilosofie.
Doctorate in Limburg
Tösje 1600 en 1980 doctoreerde 1322 Nederlands Limburgers (gedefiniëerd óp groond van gebaoërteplaatsj) an de vólgende universitete en hoeëgsjoeële:(hie-oonder ópgesomt vanaaf 10 Limburgse doctorate)
- Aoke 14
- Amsterdam 138
- Delft 32
- Eindhoven 36
- Franeker 10
- Groninge 41
- Harderwijk 63
- Leide 244
- Leuve 30
- Luuk 58
- Nijmege 215
- Rome 18
- Tilburg 33
- Utrecht 281
- Wageninge 32
De ow dissertaties zeunt gesjraeve in 't Latien, de later in Duutsj, Fraans, Nederlands of Ingelsj. De taal is evvel neet geboonde an 't laand oeë de universiteit liekt, mae ieëder an 't oonderwaerp en 't belang daovan in e bepaald laand. D'r waoërt óp Veldeke gedoctoreerd mèt 'n Duutsje dissertatie in Luuk of óp Jeanne d'Arc mèt 'n Fraanse in Amsterdam. [1]
Referentie
- ↑ Album Promotorum Limburgensium 1600-1980, MGMA van Heyst, Maastricht 1982