IHE Wiki

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

University College London (aofgekort es UCL ) is 'n openbare oonderzeuksuniversiteit gevèsteg in Londen, Ingeland, Vereineg Keuninkriek. 't Is zoewel ‘t groetste es aajdste college vaan de fidderaole Universiteit vaan Londen (UofL). UCL is gestiech in 1826 en daomèt d’n ierste universiteit in Londen en de ierste universiteit in Ingeland dee vaanaof aonvaank gaaroets sikkelier is gewees; studènte heet touwegelaote oongeach relizjieuse achtergrond; en vrouwe op geliekeleke voot mèt manne heet touwgelaote. Jäörlekse klasseminte vaan universiteite plaotse UCL zeer hoeg, mèt aofwisselende posities in de top 10. Allewel UCL, wie gezag, oonderdeil is van de fidderale Universiteit vaan Londen bringk zie sinds 2008 al häör diplome oet oonder eige naom in plaots vaan dee vaan UofL.

UCL is oonderverdeild in 10 faculteite, boe-in zoe’n 100 departeminte en (oonderzeuks-)institute bestoon. De campus is väörnaomelek gevèsteg in d’n wijk Bloomsbury (oonderdeil vaan de Londense deelgeimeinte Camden), meh UCL heet faculteite zoewel in aandere deile vaan Londen es Adelaide, Australië. Ouch heet UCL 'n academisch kraankehoes aon zich verboonde, geneump University College Hospital.

• Alexander Graham Bell, oetvinder vaan de tillefoon
• Lede vaan de band Coldplay
• Jaroslav Heyrovský, Tsjechisch chemicus
• Mahatma Gandhi, Indiase polliticus
• Lede vaan de band Keane
• Jomo Kenyatta, ierste minister-prizzedent vaan Kenia
• Seewoosagur Ramgoolam, ierste minister-prizzedent vaan Mauritius

Dit artikel is euvergenomme vaan de Ingels- en Nederlandstaolege corresponderende versies.

• 
  ’t Cruciformgebouw op Gower Street, boe-in 't University College Hospital gevèsteg is gewees
• 
  ’t UCL waopesjèld (tot neet mie gebruuk weurt)
• 
  UCL School of Slavonic and East European Studies-gebouw, vertaold de "sjaol väör Slavistiek en Oos-Europese Studies"