IHE Wiki
Index
![](https://upload.wikimedia.org/wikipedia/commons/thumb/b/bf/Bird_Diversity_2013.png/240px-Bird_Diversity_2013.png)
Infraphylum : Gnathostomata
Superclassis : Tetrapoda
Eumaniraptora
Classis : Aves
Linnaeus, 1758
- Subclassis †Enantiornithes
- Subclassis †Hesperornithes
- Subclassis †Ichthyornithes
- Subclassis Neornithes
![](https://upload.wikimedia.org/wikipedia/commons/thumb/1/1d/Birdmorphology.svg/220px-Birdmorphology.svg.png)
Aves[1] (-ium, f.) sunt vertebrata homoeothermica(en) quae inter superclassem tetrapodorum[2] referuntur et quorum proprietates maximi momenti sunt pennae, mandibulae rostratae dentibus carentes, oviparitas ovorum quorum testae(en) sunt durae, altus gradus metabolicus, cor camerarum quattuor, et sceletus fortis sed levis plerumque ossium cavorum compositus. Aves omnes orbis terrarum continentes habitant, et magnitudine a 5.5 centimetris (Mellisuga helenae) ad 2.8 metra (Struthio camelus) variant. Circa decem milia specierum vivae exstant, quarum plus quam quinquaginta centesimae sunt passeriformes, qui ramis aliisque rebus insidere solent. Avibus sunt alae, quarum evolutio per species variat; soli greges omnino sine alis inter dinornithiformes et epyornithiformes hodie numerantur. Alae, quae se e membris anterioribus evolverunt, facultatem volandi avibus dant, sed evolutio recentior aves involatiles produxit, inter quas aves infraclassis Palaeognatharum, ordinis Sphenisciformium, et variarum specierum in certis insulis endemicarum. Avium systemata digestorium et respiratorium volatui unice accommodata sunt. Nonnullae avium species in circumiectis aquaticis, praecipue aves maritimae et aliquot aves aquatiles, ad natandum porro evolutae sunt.
Aves saepe clarissimis coloribus ornantur. Propriam classem revera non fingunt, sed solae dinosauriorum progenies sunt, qui ex fine aevi cretacei adhuc exstant.
Aves multa affinia reptilibus exhibent, ex quibus procedunt. Agnoscuntur a zoologis paene 9800 specierum avium in viginti novem ordines digestarum. Ordines in 165 familias, vicissim in 2000 generum dividuntur. Aves sane valde sunt diversae, et se accommodaverunt ad locum vel oecosystema ubi habitant.
Classificatio ordinum avium
Hic habes cladogramma coniunctionum avium secundum Braun et Kimball (2021).[3]
Notae
![Slab of stone with fossil bones and feather impressions](https://upload.wikimedia.org/wikipedia/commons/thumb/9/9d/Archaeopteryx_lithographica_%28Berlin_specimen%29.jpg/220px-Archaeopteryx_lithographica_%28Berlin_specimen%29.jpg)
- ↑ Gauthier et de Queiroz 2001.
- ↑ Aut inter cladum sauropsidorum; eruditi de taxinomia inter se discrepant.
- ↑ Braun, E. L.; Kimball, R. T. (2021). "Data types and the phylogeny of Neoaves". Birds 2 (1): 1–22.
- ↑ Boyd, John (2007). NEORNITHES: 46 Orders. . John Boyd's website.
Bibliographia
Origo et historia
- Gauthier, J. A., et K. Queiroz. 2001. "Feathered dinosaurs, flying dinosaurs, crown dinosaurs, and the name Aves." In New perspectives on the origin and early evolution of birds: proceedings of the International Symposium in Honor of John H. Ostrom, et. J.A. Gauthier et L. F. Gall, 7–41. Portu Novo Connecticutae: Peabody Museum of Natural History, Yale University.
Opera generalia
- del Hoyo, Josep, Andtrew Elliott, et Jordi Sargatal, eds. 2020. Handbook of the Birds of the World. 17 voll. Barcinonae: Lynx Edicions. Vol. 1: Ostrich to Ducks: ISBN 978-84-87334-10-8, etc.
- Lederer, Roger, et Carol Burr. 2014. Latein für Vogelbeobachter: über 3000 ornithologische Begriffe erklärt und erforscht. Conv. ex Anglica a Susanne Kuhlmannn-Krieg. Coloniae: Verlag DuMont. ISBN 978-3-8321-9491-8.
- Lesaffre, Guilhem. 2006. Nouveau Précis d’ornithologie. Lutetiae: Vuibert. ISBN 2-7117-7160-1.
- National Audubon Society. National Audubon Society Field Guide to North American Birds: Eastern Region. Novi Eboraci: Knopf.
- National Audubon Society, National Audubon Society Field Guide to North American Birds: Western Region. Novi Eboraci: Knopf.
- National Geographic. 2017. National Geographic Field Guide to Birds of North America, ed. septima decima. National Geographic 2017. ISBN 9781426218354.
- Perrins, C. 2003. The New Encyclopedia of Birds. Oxoniae: Oxford University Press.
- Svensson, Lars. 2010. Birds of Europe. Ed. secunda. Princeton University Press. ISBN 9780691143927.
- Svensson, Lars. 2010.Collins Bird Guide: The Most Complete Guide to the Birds of Britain and Europe. Ed. secunda. Collkins. ISBN 978-0007268146.
Nexus interni
Nexus externi
![]() |
Vicimedia Communia plura habent quae ad Aves spectant. |
![]() |
Situs scientifici: • ITIS • NCBI • Biodiversity • Encyclopedia of Life • WoRMS: Marine Species • Fossilworks |
![]() |
Vide "Aves" apud Vicispecies. |
Pinacotheca