Texas, pe a-wechoù Teksas, a zo unan eus an 50 Stad a ya d'ober Stadoù-Unanet Amerika, e kreisteiz ar vro.
An eil brasañ eus ar stadoù eo, war-lerc'h Alaska, hag an hini vrasañ eus an 48 stad kenstag. An eil stad pobletañ eo ivez, war-lerc'h Kalifornia. Eus ar peder stad dezho harzoù boutin gant Mec'hiko eo e Texas emaint hirañ. Austin eo ar gêr-benn.
Istor Texas
Roudoù kentañ mab-den a sav da 11200 bloaz. Meur a sevenadur henvroat a oa araok ma teufe an Europeiz, konkistadored da gentañ er XVIvet kantved.
(da sevel)
Yezhoù
E Texas n'eus yezh ofisiel ebet met ar saozneg eo yezh 66,24 % eus an dud. An eil yezh muiañ komzet eo ar spagnoleg, rak Texas zo bet un darn eus Besrouantelezh Spagn Nevez e-pad ur pennad mat, hag eus Mec'hiko e-pad un toullad bloavezhioù. Ar spagnoleg eo yezh 29,40 % eus an dud hag o kreskiñ emañ c'hoazh niver ar spagnolegerien.
143 yezh all zo hag a vez komzet gant nebeutoc'h eget 1 % eus an dud.