IHE Wiki

Diwar-benn bloavezh 2011 an deiziadur gregorian eo ar bajenn-mañ.

Sellit ivez ouzh 2011 e Breizh.

Deiziadurioù all

Klotañ a raio bloavezh 2011 an deiziadur gregorian gant ar bloavezhioù-mañ :

1añ: Estonia zo bremañ e takad an euro, ar 17vet ezel eo.
14: tec'hel a ra Zine el-Abidine Ben Ali, prezidant Tunizia abaoe 23 bloaz, diouzh e vro.

Sul 20 a viz Meurzh ha Sul 27 a viz Meurzh : votadeg da zilenn an hanter eus izili ar c'huzulioù-departamant en departamantoù gall.
31 a viz Meurzh: dont a ra Mayotte da vezañ unan eus departamantoù Bro-C'hall.

Yaou 5 a viz Mae : votadegoù e broioù ar Rouantelezh Unanet, evit dilenn izili parlamantoù Kembre, Bro-Skos ha Hanternoz Iwerzhon koulz ha dilennidi kuzulioù lec'hel Bro-Saoz. Mont a ra ar maout gant broadelourien ar Scottish National Party er vouezhiadeg evit Parlamant Bro-Skos, gant 69 sez diwar 129.
Gwener 20 a viz Mae : disklêriañ a ra Kuzul Bonreizhel Bro-C'hall n'eus talvoudegezh ebet gant mellad 75-1 ar Vonreizh c'hall a embann ez eo ar "yezhoù rannvro" un tamm eus glad Bro-C'hall ha n'eus roet gwir ebet d'an dud gant ar mellad-se.
Lun 30 a viz Mae : divizet en deus gouarnamant Alamagn, renet gant ar gañsellerez Angela Merkel, serriñ holl greizennoù nukleel ar vro a-benn 2022.

Meurzh 7 a viz Mezheven : skignet eo ar chadenn ouezelek BBC Alba dre ar reizhiad Freeview (TNT) evit ar wech kentañ.
Sadorn 11 a viz Mezheven : en Highland Games Milngavie (e-kichen Glasgow, Bro-Skos), Lorne Coltart zo kampion ar bed an Haggis Hurling ; bannet en deus an haggis da 66,14 m, o pulluc'hañ gourc'hoù Alan Pettigrew, a oa kampion abaoe 1984 gant ur bann a 55,11 m.
Gwener 24 a viz Mezheven : asantiñ a ra gouarnamantoù Unaniezh Europa degemer Kroatia en o zouez. Dont a ray da vezañ ezel da vat eus an Unaniezh d'ar 1añ a viz Gouere 2013.
Lun 28 a viz Mezheven : degemeret o deus kuzulierien rannvro Akitania ur steuñv evit an okitaneg.
Yaou 30 a viz Mezheven : votiñ a ra an darn vrasañ eus kannaded ar Bundestag, kambr izelañ parlamant Alamagn, a-du gant ar c'hinnig da zilezel tamm-ha-tamm an energiezh nukleel.

Merc'her 1añ a viz Gouere : dre ur referendom eo bet aprouet ar raktres bonreizh nevez evit Maroko kinniget gant ar roue Mohammed VI hag a roio un tammig muioc'h a c'halloud d'ar c'hentañ ministr ha d'ar parlamant hag a raio eus an tamazight ur yezh ofisiel er vro, e-kichen an arabeg.
Sadorn 9 a viz Gouere : dont a ra Soudan ar Su da vezañ ur stad emveliek, distag diouzh Soudan. D'ar 14 a viz Gouere eo bet degemeret Soudan ar Su en Aozadur ar Broadoù Unanet.

25 a viz Gwengolo : dilennadeg senedourien ar Sened gall. Mont a ra ar maout gant an tu-kleiz gant 178 sez diwar 348.

20 a viz Here: embann a ra ar strollad euskarat ETA e paouez gant e stourm armet.
27 a viz Here : dilennet eo bet Michael D. Higgins da brezidant Republik Iwerzhon.

Gwener 16 a viz Kerzu: ar sammlestr TK Bremen a sko war traezhenn Kerminic'hi en Ardeven.