IHE Wiki
Daptar isi
![](https://upload.wikimedia.org/wikipedia/commons/thumb/0/0b/Rome_skyline_panorama.jpg/220px-Rome_skyline_panorama.jpg)
Roma (hurup Arab Gundul: روم; Itali èn Latèn: Roma [ˈroːma]) ièlah Itali punya hopstad. Ni juga' hopstadnya daèrah Lasio, sintremnya Kota Mètropolitan Roma, èn atu comune nama Comune di Roma Capitale. Gableg penjogrog ada 2.860.009 orang di loas 1.285 km2 (496,1 mi2),[1] Roma ada haminté nyang paling ngrangseg orangnya di itu negara ama kota paling ngerangseg penduduknya nomer tiga di Uni Èropa berales penjogrog nyang ngejogrog di jero wates kotanya. Kota Mètropolitan Roma, dengen penjogrog secuplek 4.355.725 orang, jadi kota mètropolitan paling ngrangseg orangnya di Itali.[2] Dia punya kota mètropolitan entu nomer tiga paling ngebadeg oragnya seantéro Itali.[3] Roma adanya di bagèan tenga-tenga rada ngulon di Semenanjung Itali, di dalemnya Lasio, pinggiran pesisir Tibèr. Kota Watikan (negara paling kecit di dunia)[4] entu atu negara kendiri nyang ada mentil di jeronya wates kota Roma, cuman dia doang dah tu negara nyang ada di dalemnya kota. Roma sering diparan sebagé Kota Bukit Tuju bahnanya dia punya pernahan bumi, èn juga' sebagé "Kota Abadi".[5] Roma galibnya dirèken sebagé "tempat brojolnya peradaban Kulon èn budaya Serani", sintremnya Gerèja Katolik.[6][7][8]
Ruju'an
- ↑ "I numeri di Roma Capitale" (PDF). Comune di Roma. 31 December 2018. Diarsip (PDF) deri nyang asli per 4 Méi 2020. Dipungut per 3 Nopèmber 2023.
- ↑ "Popolazione residente al 1° gennaio". Diarsip deri nyang asli per 8 April 2020. Dipungut per 3 Nopèmber 2023.
- ↑ "Principal Agglomerations of the World". Citypopulation. (Januari 2017). Diarsip deri nyang asli per 4 Juli 2010. Dipungut per 3 Nopèmber 2023.
- ↑ "What is the smallest country in the world?". History.com. Diarsip deri nyang asli per 27 Sèptèmber 2018. Dipungut per 3 Nopèmber 2023.
- ↑ "Why Is Rome Called The Eternal City?". (27 Sèptèmber 2021). Diarsip deri nyang asli per 16 Sèptèmber 2021. Dipungut per 3 Nopèmber 2023.
- ↑ Beretta, Silvio (2017). Understanding China Today: An Exploration of Politics, Economics, Society, and International Relations. Springer. h. 320. ISBN 9783319296258.
- ↑ B. Bahr, Ann Marie (2009). Christianity: Religions of the World. Infobase Publishing. h. 139. ISBN 9781438106397.
- ↑ R. D'Agostino, Peter (2005). Rome in America: Transnational Catholic Ideology from the Risorgimento to Fascism. University of North Carolina Press. ISBN 9780807863411.