HL7 Wiki

बर्मेली भाषा वा बर्मी भाषा वा म्यानमार भाषा म्यान्मारया देय्‌ भाषा ख। थ्व छगू मोनख्न्मेर भाषा ख। थ्व भाषा बर्मन जाति व बर्मन जनजातित (धनु जाति, अंसा वा इन्ता जाति, ताउंयो जति व यो जाति)या मूल भाषा खः। बर्मी सँदेय्-बर्मन भाषा परिवारया दकले अप्व मनूतेसं ल्हाइगु भाषा खः। ३८ मिलियन स्वया अप्व मनूतेसं बर्मी भाषायात थःगु मातृभाषाया रूपं ल्हाइ। नापं, म्यानमारया यक्व मनूतेसं थ्व भाय्यात थःगु द्वितीय भाषाया रूपं छ्येलि।

बर्मी भाषा दूगु सँदेय्-बर्मी भाषा पुचः (गुकिलि नेपालभाषा नं लाः) चीन-सँदेय् भाषा परिवारया छगू कचा खः। यक्व मेमेगु सँदेय्-बर्मी भाषा थें हे बर्मी भाषा छगू तोनल भाषा ख। थ्व भासय् अनेकन एकाक्षरी खँग्वः दु। थ्व भाषा कर्ता-कर्म-किया झ्वलय् ल्हाइगु व च्वइगु या। बर्मी आखः ब्राह्मी लिपिं बुयावःगु लिपि खः।

इरावदी खुसि सिथय् च्वनिपिं वाले बर्मी भाषितेगु शब्दावलीइ यक्व मपाः। मानक बर्मी भाषा स्वया थीथी भाषिका ल्हाइपिं अल्पसंख्यक मनूत म्यान्मारया दुर्गम क्षेत्रय् च्वनी। थ्व भाषाया मू भाषिका थ्व कथं दु:

• तन्निथारी क्षेत्रया भाषिका
• मागवे क्षेत्रया भाषिका
• शान राज्यया भाषिका

राखीन राज्यय् ल्हाइगु राखीन व बांग्लादेशय् ल्हाइगु मारामायात बर्मी भाषाया भाषिका वा पृथक भाषा नितांया रुपय् म्हसीकिगु या। अराकानी भाषा व प्राचीन बर्मी भाषाय् समानता दु। प्राचीन बर्मी भाषाय् छ्यलीगु व वर्तमान बर्मीइ मदयावंगु "ल" सः अराकानी भाषाय् ल्यनाच्वंगु दु। तन्न्तिथारी भाषिकाय् व्यक्तिविशेष खँग्वःया सः तच्वः जुइ। तन्निथारीया दावेई कचाय् प्राचीन बर्मी लिपिया मध्य "ल" आःतकः छ्येलीगु या। ल्हाइगु भासय् भिन्नता दःसां बर्मी भाषाया भाषिकात परस्परय् थुइगु या। ४ उच्च व निम्न सः, समान बाःआखः सः व च्वेतः बर्मी लिपिया छ्येला सकल बर्मी भाषिकाय् समान दु।