Clinfowiki
Otot adolah sabuah jaringan dalam tubuh manusia dan hewan nan baguno sabagai alaik gorak aktif nan manggarakkan tulang. Otot diklasifikasikan/dibagi manjadi tigo jinih iyolah otot lurik, otot polos dan otot jantuang. Otot manyababkan pagarakan suatu organisme maupun pagarakan dari organ dalam organisme tasabuik.
Otot marupokan kumpulan jaringan otot nan saliang bakontraksi sahinggo mangasiakan garakan. Otot tadiri ateh sarabuik sel otot nan kasaluruhan dilapih dek jaringan palindung. Otot malakukan kontraksi dan relaksasi manggunakan ATP.[1] Rangko tubuah makhluk hiduik tadiri ateh tulang dan sondi, tapi indak dapek bagarak surang, energi kimia barupo ATP akan diubah manjadi energi mekanik sahinggo mangasiakan pagarakan barupo pagantian kontraksi dan relaksasi. Umumnyo, hasia kontraksi otot iko akan mamuncuakan paneh tubuh. Otot baguno sabagai pagarakan, stabilitas atau kasaimbangan dan termogenesis. Manuruik histologi, otot di klasifikasikan manjadi 3 antaro lain: otot rangko, otot jantuang dan otot polos.[2] Otot marupokan ibaraik masin nan dapek mangubah energi kimia manjadi energi mekanik nan dapek tawujuik pado suatu aktivitas fisik. Pado hal iko otot dapek bakontraksi dan barelaksasi basobok adonyo katasadioan energi dari sistem energi. Kontraksi otot nan tajadi pado tubuh manusia dapek malakukan karojo ajak masin.[3]
Struktur otot
Rujuakan
- ↑ Editors, B. D. (2017-12-08). "Muscle". Biology Dictionary (dalam bahasa Inggris). Diakses tanggal 2020-11-25.
- ↑ Wangko, Sunny (2014). "JAringan Otot Rangka Sistem Membran dan Struktur Halus Unit Kontrkatil". Jurnal Biomedik. 6 (3): s27.
- ↑ Sarifin (2010). "Kontraksi Otot dan Kelelahan" (PDF). Jurnal ILARA. 1 (2): 58. Diarsipkan dari versi asli (PDF) tanggal 2020-03-31. Diakses tanggal 2021-01-31.
Pautan lua
Media tantang Otot di Wikimedia Commons
