Clinfowiki
La selula es la unia strutural e funsional fundal de tota viventes. Cada selula es composada de sitoplasma encluida en un membrana; multe selulas conteni organetas, de cual cada ave un funsiona spesifada. La terma veni de la parola latina cellula cual sinifia "sala peti." La plu de selulas es sola vidable con un microscopio. Selulas ia emerji sur la Tera a sirca cuatro bilion anios ante aora. Tota selulas es capas de autocopia, sintese protenal, e move.
Selulas es divideda a du tipos: selulas eucariotal, cual posese un nucleo, e selulas procariotal, cual no ave un nucleo ma ave un rejion nucleoide. Procariotas es organismes uniselulal como baterias, contra ce eucariotas pote es o uniselulal, como amebas, o multiselulal, como alga alges, plantas, animales e fungos. Selulas eucariotal conteni organetas incluinte mitocondrios, cual furni enerjia per la funsionas de la selula; cloroplastos, cual crea zucares par fotosintese, en plantas; e ribosomas, cual sintese protenas.
Selulas ia es descovreda par Robert Hooke en 1665, ci ia nomi los per sua sembla a la selulas abitada par monces cristian en un monceria. La teoria selulal, developada en 1839 par Matthias Jakob Schleiden e Theodor Schwann, dise ce tota organismes es composada de un o plu selulas, ce selulas es la unia fundal de strutur e funsiona en tota organismes vivente, e ce tota selulas veni de selulas preesistente.
