Clinfowiki
Holus, vel olus (-eris, n.), est planta vel plantae pars ad esum sativa vel in messi conlecta, seminibus et plurimis fructibus dulcibus exclusis. Notio holeris ad folia, caules, vel radices plantarum herbacearum usitate spectare solet, sed nonnullos fructus comprehendit, inter quos fructus generis Cucurbitae. Vulgo est confusio inter homines de natura quorumdam fructuum holerumque, et nonnulli dissimilitudinem nesciunt.
Nomini non sunt fundamenta in biologia; eius significatio potius ex memoria culinaria et culturali deducitur. Ergo, usus huius verbi est aliquando libidinosus et opinabilis. Exempli gratia, nonnulli homines fungi habent holera, quamquam fungi non sunt plantae,[1][2] sed alii eos habent aliud cibi genus.[3]
Aliqua holera cruda, aliqua cocta edi possunt; aliqua adeo coquenda sunt ut edi possint. Holera saepissime coquuntur in cibis conditis vel salsis; nonnulla autem saepe mensis secundiis et aliis cibis dulcibus, sicut rhubarb pie? et carrot cake,? adhibentur.
Etymologia
Sunt minimum quattuor definitiones quae ad fructus et holera spectant:
- Fructus (in botanica): ovarium plantae florentis (inter quae aliquando structurae accessoriae
- Fructus (culinarius): quaelibet plantae pars edulis cui est sapor dulcis
- Holus: quaelibet plantae pars edulis sapore condito praebita?
- Holus (legitimum): res quibus ut holera in singulis provinciis vectigal imponitur
Cultus et exportatio
Omnium orbis terrarum civitatum, Sina est maximus holerum cultor, praecipue Solani tuberosi, Allii cepa, Brassicae oleraceae (Anglice cabbage), Lactucae sativae, Solani lycopersici, et Brassica oleracea Italici cultivarietatum gregis (Anglice broccoli).
Nexus interni
Notae
- ↑ Vide "mushrooms" sub "Other vegetables" in "What foods are in the vegetable group?" commentarius ab United States Department of Agriculture editus. Accessum 2 Iunii 2011.
- ↑ Vide "Mushrooms" sub "VEGETABLES" in "Suggestions - Vegetables" apud www.cooks.com. Accessum 24 Iunii 2009.
- ↑ "Alternative Crops and Plants: Vegetables and Mushrooms," United States Department of Agriculture. Accessum 24 Iunii 2009.
Bibliographia
- Herrmann, Karl. 1969. Gemüse und Gemüsedauerwaren. Grundlagen und Fortschritte der Lebensmitteluntersuchung, 11. Berolini et Hamburgi: Parey.
- Munro, Derek B., et E. Small. 1997. Vegetables of Canada. Ottavae: NRC Research Press. ISBN 978-0-660-19503-2.
Nexus externi
|
Vicimedia Communia plura habent quae ad holera spectant. |
- Fructus et Holera, apud http://www.fruitsnvegetables.com
- Photogrammata holerum apud crosstree.info
- Rete Nuntiorum Holerum Michiganiae, apud web4.msue.msu.edu
- Sedes nuntiorum holerum et investigationum Universitatis Californiae apud vric.uscdavis.edu
