Clinfowiki
Ban ya iku piranti kang nutupi velg rodha.[1] Ban kalebu pérangan wigati saka wahana dahrat.[1] Ban gunané kanggo ngurangi getaran kang disebabaké dalan kang ora alus utawa akèh jeglongané.[1] Saliyané iku ban uga kena kanggo njaga rodha lan ndadékaké rodha ora gampang aus lan rusak.[1] Ban uga bisa njaga kestabilan anatarané kendaraan karo lemah saéngga gampang anggoné obah lan ngundhakaké percepatan.[1] Akéh-akéhé ban mligi kang minangka kendaraan bermotor, digawé saka karèt sintetik, nanging ana uga kang digawé saka bahan liyané kaya ta waja.[1]
Sajarah ban
Nalika taun 1839, Charles Goodyear bisa nemu téknik vulkanisasi karèt.[2] Vulkanisasi iki asalé saka tembung Vulkan kang tegesé déwa api ing agama wong Romawi.[2] Nanging Goodyear ora jenengi penemuané iku kanthi jeneng vulkanisasi nanging karét kang tahan geni.[2] Jeneng Goddyear banjur diabadiaké dadi jeneng perusahaan karét kang misuwur ing Amérikah Sarékat ya iku Goodyear Tire and Rubber company.[2] Perusahaan iki dibangun karo Frank Seiberling nalika taun 1898.[2] Goodyear Tire & Rubber Company wiwit dibangun taun 1898 nalika Frank Seiberling tuku pabrik kang sepisanan perusahaan iki. Dhèwèké nggunakaké dhuwit siléhan saka ipéné.[2]
Nalika taun 1845 Thomson lan Dunlop nciptakaké ban kang nalika semana diarani ban urip tegesé ban kang duwé gronggongan udara.[2] Kanthi penemuan iki Thomson lan Dunlop diarani Bapak Ban.[2] Kanthi ngrembakané téknologi Charles Kingston Welch nemu ban njero, déné William Erskine Bartlett nemu ban njaba.
Cathetan suku
