Clinfowiki
Wiit (Triticum spp.)[1][2] a siirial grien, (botanikali, a taip a fruut kaal a kiariapsis)[3] arijinali frah di Levant riijan a di Nier Iis bot nou koltiviet wolwaid. Ina 2013, wol prodokshan a wiit ena 713 milian ton, meki di tod muos-projjuus siirial afta kaan (1,016 milian ton) ah rais (745 milian ton).[4] Wiit ena di sekan muos-projuus siirial ina 2009; wol prodokshan in dat ier ena 682 milian ton, afta kaan (817 milian ton), ah wid rais az kluos tod (679 milian ton).[5]
Dis grien gruo pah muo lan ieria dah heni adaels kamoershal fuud. Wol chried ina wiit grieta dah fi aal ada krap kombain.[6] Gluobali wiit a di liidn suos a vejitebl pruotiin ina yuuman fuud, sens iab aya pruotiin kantent dah ada mieja siirial, kaan, ar rais.[7] In toermz a tuotal prodokshan tonij yuuz fi fuud, a korantli sekan tu rais az di mien yuuman fuud krap ah bifuo kaan, afta lou fi kaan muo hextensiv yuus ina animal fiidn. Di aakialajikal rekaad sojes se dis eh fos okor ina di riijan nuo az di Foertail Krisent.
Refrans
- ↑ Robert Belderok, Hans Mesdag, Dingena A Donner (2000) Bread-Making Quality of Wheat Springer. p. 3 ISBN 0-7923-6383-3
- ↑ Peter R Shewry (2009) "Wheat", Journal of Experimental Botany, Vol. 60, issue 6, pp 1537–1553
- ↑ James D. Mauseth. Botany [1] 2014. Jones & Bartlett Publishers. ISBN 978-1-4496-4884-8 p. 223 Quote: "Perhaps the simplest of fruits are those of grasses (all cereals such as corn and wheat)... These fruits are caryopses."
- ↑ FAOStat Archived 2012-06-19 at the Wayback Machine axes 27 January 2015
- ↑ World Wheat, Corn and Rice Archived 2015-06-10 at the Wayback Machine Oklahoma State University, FAO Stat
- ↑ Curtis, Rajaraman, and MacPherson (2002) Bread Wheat Food and Agriculture Organization of the United Nations
- ↑ "Nutrient data laboratory". United States Department of Agriculture.
