Clinfowiki
Contidos
Silva | |||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|
![]() | |||||||||||||||||||||
Clasificación científica | |||||||||||||||||||||
| |||||||||||||||||||||
Nome binomial | |||||||||||||||||||||
Rubus fruticosus L. |
A silva brava ou simplemente silva ou silveira (Rubus fruticosus) é unha especie de planta rubideira e espiñenta pertencente á familia das rosáceas. É orixinaria de Europa, Asia e Norte de África. É moi común en Galiza. Aseméllase moito a Rubus ulmifolius, tamén chamada silva.
![](https://upload.wikimedia.org/wikipedia/commons/thumb/f/fe/Rubus_fruticosus2_ies.jpg/250px-Rubus_fruticosus2_ies.jpg)
![](https://upload.wikimedia.org/wikipedia/commons/thumb/6/63/Blackberry_%28Rubus_fruticosus%29.jpg/250px-Blackberry_%28Rubus_fruticosus%29.jpg)
![](https://upload.wikimedia.org/wikipedia/commons/thumb/2/2b/Halved_blackberry_%28Rubus_fruticosus%29.jpg/250px-Halved_blackberry_%28Rubus_fruticosus%29.jpg)
Descrición
É unha planta vizosa, lígnea e moi invasiva, con longos talos flexíbeis cheos de espiños. As follas son pinnadas e se dividen en folíolos ovais, dentados, pubescentes pola parte inferior; están cubertas de finos espiños, especialmente pola nervadura media. As flores son de cor branca ou rosada e se agrupan en acios terminais. O froito, denominado amora, é composto e globuloso. As diversas cores que adopta determinan o grao de maduración (verde, vermello e negro, respectivamente). A planta presenta ao mesmo tempo a floración e os diversos graos de maduración do froito, feito infrecuente noutras plantas.[1]
Propiedades
Empréganse as follas, os botóns florais, os froitos e, en menor medida, a raíz.
Virtudes medicinais
Polo seu alto contido de taninos, o seu principal efecto é o adstrinxente, polo que se recomenda no tratamento da diarrea. En forma de gargarexo é útil nas úlceras aftosas da mucosa bucal e como tratamento complementario da amigdalite e mais da farinxite.[1]
Principios activos
- Ácidos orgánicos: atópanse nos froitos e son o isocítrico, o succínico, o oxálico, o málico e mais o láctico.
- Vitaminas: atópanse nos froitos e son a vitamina C e mais o ácido fólico.
- Pigmentos: atópanse nos froitos, son antocianinas (posibelmente crisantemina).
- As follas conteñen unha gran cantidade de taninos (4-15%), pectina (1,2%), ademais de hidroquinonas, como a arbutina, inositol e indicios de aceite esencial.[1]
Preparacións
- Infusión: vía interna, emprégase de 6 a 10 gramos por litro, por vía externa dez veces esa cantidade, ou sexa, 100 gramos por litro.
- Macerados glicerinados: 50 gotas, tres veces ao día.
- Vinagre de amoras: ponse un quilo de amoras limpas nunha cunca de cerámica. Cóbrese con vinagre de sidra ou de viño de pouca graduación, e se deixa macerar durante tres días, remexendo unha vez ao día. Finalmente, fíltrase con presión. Calcúlase o líquido obtido e se engaden 150 cc de azucre por cada medio litro de líquido. Posteriormente, férvese suavemente durante 5 a 6 minutos. Déixase arrefriar e se conserva en botellas ben fechadas. Tomarase unha culler de sobremesa disolta nunha cunca de auga ou de tisana. Recoméndase coma tónico antianémico.[1]
Taxonomía
- Nome común galego: silva[2], silveira[3]. Cómpre ter en conta que outras plantas do xénero Rubus reciben tamén o nome común de silva, especialmente Rubus ulmifolius.
- Sinónimos:[4][5]
Problemas taxonómicos
Aínda que o nome Rubus fruticosus L. xa foi utilizado nas descricións de Linneo (que neste caso non foron inequívocas), posteriormente foi utilizado con diversos significados referíndose a distintas especies conforme foron facéndose novos estudos taxonómicos do complicado xénero Rubus, que ten especies moi parecidas, diversas subespecies, variedades e microespecies e diversos casos de probables hibridacións. Actualmente R. fruticosus é un nome ambiguo para referirse ás especies de silvas do xénero Rubus. O nome foi interpretado das seguintes formas:
- Para referirse á especie representada polo espécime tipo de Rubus fruticosus L., que tamén é o espécime tipo do xénero Rubus.[6] Este espécime considérase que se corresponde coa especie R. plicatus, en Rubus subxénero Rubus, sección Rubus.[7][8]
- Para referirse a varias especies que concordan coa descrición orixinal de Linneo da especie, a cal estaba baseada nunha mestura de especies que agora se considera que se corresponden con Rubus ulmifolius e R. plicatus
- Para referirse a un agregado de especies (grupo de especies similares) chamado Rubus fruticosus agg. que inclúe a maioría dun grupo chamado Rubus subxénero Rubus[8] ou Rubus sección Rubus:[9]
- Usado en senso estrito, ás veces é separado como a sección Glandulosus, que comprende aproximadamente 289 microespecies.[8] Neste sentido o agregado de especies non inclúe o tipo do xénero Rubus, o cal é un híbrido.
- Usado en senso amplo incluíndo o subxénero Rubus seccións Glandulosus, Rubus (cunhas 20 microespecies) e Corylifolii (cunhas 24 microespecies).[8] Os membros da sección Rubus son probablemente híbridos que implican a membros da sección Glandulosus xunto con ou ben R. idaeus ou ben R. allegheniensis.[8] A sección Corylifolii consta probablemente de híbridos nos que están implicados membros da sección Glandulosus xunto con R. caesius.[8]
- Nun senso aínda máis amplo úsase como nomen ambiguum (nome ambiguo) incluíndo todos os taxons do subxénero (ou sección) Rubus[10]
Se nos atemos a como o teñen usado diversos autores, á parte do significado establecido de Rubus fruticosus L. como R. plicatus, o nome R. fruticosus foi incorrectamente aplicado a varias especies, entre as que están:[11]
- Rubus fruticosus G.N.Jones -> Rubus vestitus Weihe
- Rubus fruticosus L. ex Dierb. -> Rubus vulgaris Weihe & Nees
- Rubus fruticosus Lour. -> Rubus cochinchinensis Tratt.
Notas
- ↑ 1,0 1,1 1,2 1,3 Dr. Berdonces I Serra. Rubus fruticosus. Gran Enciclopecia de las Plantas Medicinales (Tikal). p. 974. ISBN 84-305-8496-X.
- ↑ Definicións no Dicionario da Real Academia Galega e no Portal das Palabras para silva.
- ↑ Definicións no Dicionario da Real Academia Galega e no Portal das Palabras para silveira.
- ↑ "Rubus fruticosus". Tropicos.org. Missouri Botanical Garden. Consultado o 7 de outubro de 2009.
- ↑ A bibliografía utilizada para definir o nome correcto e mais os sinónimos está na páxina web de Tropicos.org. Missouri Botanical Garden, e é a seguinte:
- AFPD, 2008. African Flowering Plants Database - Base de Donnees des Plantes a Fleurs D'Afrique.
- Reference article Drake del Castillo, E. 1902[1903]. Histoire naturelle des plantes. Hist. Phys. Madagascar 30: 1–208.
- Reference article Gibbs Russell, G. E, W. G. Welman, E. Reitief, K. L. Immelman, G. Germishuizen, B. J. Pienaar, M. van Wyk & A. Nicholas (PRECIS) 1987. List of species of southern African plants. Mem. Bot. Surv. S. Africa 2(1–2): 1–152(pt. 1), 1–270(pt. 2).
- ↑ Farr, E. R. and G. Zijlstra, ed. (1996+). "Index Nominum Genericorum". Smithsonian Institution. Consultado o 15 de maio de 2015.
- ↑ "USDA GRIN Taxonomy: entry for Rubus plicatus Weihe & Nees". Arquivado dende o orixinal o 24 de setembro de 2015. Consultado o 15 de maio de 2015.
- ↑ 8,0 8,1 8,2 8,3 8,4 8,5 Stace, C. (2010). New flora of the British Isles. Cambridge: Cambridge University Press. ISBN 978-0521707725.
- ↑ "USDA GRIN Taxonomy: entry for Rubus fruticosus auct. aggr.". Arquivado dende o orixinal o 18 de maio de 2015. Consultado o 15 de maio de 2015.
- ↑ Jarvis, C.E. (1992). "Seventy-Two Proposals for the Conservation of Types of Selected Linnaean Generic Names, the Report of Subcommittee 3C on the Lectotypification of Linnaean Generic Names". Taxon 41 (3): 552–583. JSTOR 1222833. doi:10.2307/1222833.
- ↑ "The Plant List". Arquivado dende o orixinal o 16 de setembro de 2019. Consultado o 5 de agosto de 2016.
Véxase tamén
Outros artigos
- Rubus ulmifolius
- Amora
- Rubus (xénero)
- Rubus subg. Rubus (subxénero)