Clinfowiki
Ellah (Erebki de: الله ), İslam de namey Homayo, Homay mısılmanano. Namey Ellahi İslam ra vêşi, Cıhudiy (Mizrahi), Bahaiy, Xıritiyanê ortodoksi û katolikê ke rocakewtene de cıwiyenê, ê zi vanê.
Etimolociya Ellahi
Etimolociya namey Ellahi el-ilah, el-laha ra ameyo. Namey Ellahi zıwanê Rocvetışê Miyani de Cıhudki de "Eloah אלה", Keldaniki de "Laha", Aramiki "Elāhā" û Suryaniki de "Alāhā" o. Yani namey Ellahi, Homay mısılmanan Ellah ra veri zi tım biyo. Mısılmanan Ellah zıwananê binan ra gırewto. Mısılmani vatekê Ellahi ra ğeyri Homay inan rê ebe Esma el Husna (namey rındeki) ra name danê.
İslam de namey Ellahi beno dı letey:
- Sıfetê Ellahê Sıbuti
- Sıfetê Ellahê Zati
Sıfeto Sıbuti şeno Ellahi ra ğeyri merdum de ki bıbo. Sıfeto Zati tenya Ellahi de esto. Mısulmani peyniya namey Ellahi de seba hurmetmocnayışi ra vanê ke celle celaluhu (c.c.) ya zi vanê ke teala (gırd).
Namey kı mısılmani Homay xo rê vanê
Ewro mısılmani Homay xo rê tay naman danê, wıni hitab kenê. Enê namanê Homay mısılmanan rê zıwanê Erebki dı vanê Esma-el Husna yani tewr nameyê rındeki. Enê namey pêro Homay ra vaciyenê, ey rê gırweyniyenê.
Muazzez İlmiye Çığ ra gore, enê neway u new namê Homay vırnayışê kı şınê raya monoteizmi, êyê. [1] Yani yew xısusiyeti ya zi çiyê do bin nêkırışeno.
Referansi
| |||||
