Clinfowiki
Puki[1] atawa bahasa halusnya Adapan(BK)[1]/Hadapan[1] atawa Vagina atawa kalantit (matan basa Latin nang makna literalnya "palindung" atawa "selongsong") adalah saluran babantuk tabung nang mahubungakan uterus ka palihan luar awak di mamalia wan marsupilia bini, atawa ka kloaka di burung bini, monotrem, wan sapalih macam reptil. Karangga wan sapalihan invertebrata baisi puki/vagina jua, nang adalah palihan pahabisan matan oviduct. Puki/vagina adalah alat reproduksi di mamalia bini, nangkaya halnya butuh di mamalia laki.
Balain lawan mamalia laki nang rancaknya baisi sabuting lubang hadapan wara, mamalia bini rancaknya baisi dua buting luang hadapan, yaitu uretra wan vagina. Luang vagina jauh taganal pada luang uretra, wan kadua luang dilindungi ulih saturuktur kulimbit panukup nang disambat labia.[2][3] Di amfibi, burung, reptil, wan monotremata, sacara awam saluran réproduksi hiwan bini ulih bubuhan ahli zoologi disambat lawan ngaran kloaka; di mana di sapisies-sapisies ngitu pinanya tadapat guna tambahan, yaitu gasan saluran usus wan saluran pangamihan.
Tikstur dinding vagina kawa maulah gisikan pada butuh haratan basakian wan marangsang tajadinya ejakulasi, nang mambada'i tajadinya pembuahan.[4] Bamacam infeksi nang ditularakan sacara seksual wan gangguan nang lain kawa mampengaruhi puki.[5][6] Maraga risiko panularan panyakit-panyakit ngitu, lambaga kasihatan nang kaya Pahimpunan Kawigasan Dunia (WHO) atawa badan-badan kasihatan nang lainnya rancak manyaranakan paraktik seks nang aman.[5][7]
Satruktur
Satruktur umum
Puki baasal matam pangambangan duktus Muller di embrio.[8] Puki manusia marupakan sabuting saluran otot nang maumat nang mamanjang mata gulu rahim sampai ka vulva.[9] Warna puki lawan bagian dalam vulva adalah habang jambu kahabangan, wan vagina mahubungakan vulva supervisial lawan gulu rahim (serviks) matan uterus di subalah dalam. Puki, nang baandak di balakang (posterior) uretra wan kandung kamih, sacara superior mancapai perineum wan sacara posterior manuju gulu rahim; gulu rahim wan vagina tahubung malalui sudut nang babelok, yaitu sakitar 90 darajat.[10]
Lapisan internal vagina tadiri matan epitel skuamosa berlapis.[11] Di bawah lapisan ngini adalah lapisan otot polos, nang kawa maulah puki kontraksi salawas basakian wan haratan baranak. Di bawah otot adalah lapisan jaringan ikat nang disambat adventitia.[12]
Ukuran vagina manusia
Maskipun ukuran puki bamacam-macam di wadah binian, tapi ukuran panjangnya bakisar matan 6 sampai 7,5 cm (2,5 - 3 inchi) maliputi dinding anterior, wan 9 cm (3,5 inchi) gasan panjang nang maliputi dinding posterior.[13] Haratan rangsangan seksual, ukuran panjang wan lkbar vagina pacangan banaim.[14] Kaunyatan puki kawa mangganii parosis dalam hubungan seksual, wan lain pada itu mangganii haratan proses baranak.
Catatan Batis
- ^ a b c Abdul Jebar Hapip, Kamus Banjar Indunisia, Cetakan V - Banjarmasin, PT. Grafika Wangi Kalimantan, 2006
- ^ Clinical pediatric urology: A. Barry Belman, Lowell R. King, Stephen Alan Kramer (2002)
- ^ Kinetics, Human (15 May 2009). Health and Wellness for Life. Human Kinetics 10%. hlm. 221. ISBN 978-0-7360-6850-5. Diakses tanggal 30 July 2013.
- ^ David B. Jacoby, R. M. Youngson (2004). Encyclopedia of Family Health. Marshall Cavendish. hlm. 964. ISBN 0761474862. Diakses tanggal April 25, 2014.
- ^ a b Dianne Hales (2008). An Invitation to Health Brief 2010-2011. Cengage Learning. hlm. 269–271. ISBN 0495391921. Diakses tanggal August 29, 2013.
- ^ William Alexander, Helaine Bader, Judith H. LaRosa (2011). New Dimensions in Women's Health. Jones & Bartlett Publishers. hlm. 211. ISBN 1449683754. Diakses tanggal August 29, 2013.
- ^ "Global strategy for the prevention and control of sexually transmitted infections: 2006–2015. Breaking the chain of transmission" (PDF). World Health Organization. 2007. Diarsipkan dari versi asli (PDF) tanggal March 23, 2014. Diakses tanggal November 26, 2011.
- ^ Cai Y (2009). "Revisiting old vaginal topics: conversion of the Müllerian vagina and origin of the "sinus" vagina". Int J Dev Biol 2009; 53:925-34. 53 (7): 925–34.
- ^ Snell, Richard S. (2004). Clinical Anatomy: An Illustrated Review with Questions and Explanations. Lippincott Williams & Wilkins. hlm. 98. ISBN 978-0-7817-4316-7. Diakses tanggal 19 February 2014.
- ^ Mulhall, John P. (2011). John P. Mulhall, Luca Incrocci, Irwin Goldstein, Ray Rosen, ed. Cancer and Sexual Health. Springer. hlm. 13–22. ISBN 1-60761-915-6. Diakses tanggal February 21, 2014.
- ^ Wylie, Linda (2005). Essential Anatomy and Physiology in Maternity Care. Elsevier Health Sciences. hlm. 157–158. ISBN 0-443-10041-1. Diakses tanggal 19 February 2014.
- ^ Young, B, ed. (2006). Wheater's Functional Histology: A Text and Colour Atlas (edisi ke-5th). Elsevier. hlm. 377. ISBN 978-0443068508.
- ^ Gray's Anatomy
- ^ "The sexual response cycle". EngenderHealth. Diarsipkan dari versi asli tanggal 2007-10-30. Diakses tanggal 2007-10-13.
