Bioinformatics Wiki

Cristiannime
Sainte Trinnitè Diu ch'Père • Diu ch'Fiu • Saint-Esprit
Jésus-Crisse Anonchacion • Nativitè • Batinme • Ministère • Sermon dseur el montanne • Mirakes • Calvoaire • Passion • Transfidjuracion • Mistère à ches Pakes • Pakes
Bibe Viu Testamint • Nouvieu Testamint • Évangiles • Canons
Tiologie Apologétike • Cristologie • Éclésiologie • Escatologie • Grache • Justificacion • Mariologie • Pétchè • Sacrémints • Seuvmint • Saintessime Trinnitè • Sainttè
Tradicion Marie • 12 Apostoéles • Pière • Paul • Évangile • Eucaristie • Crédo • Église • Roéïaume dins ches Cius • No Père • Egzorcime
Istoére Prunmiers crétiens • Persétchucions • Constantin Ier • Cristianisacion in Europe • Ariannime • Conchiles eutchuménikes • Pères à chl'Église • Saint Augustin • Missions crétiennes • Chizme ed 1054 • Croésades • Saint Tomas d'Aquin • Intchisicion • Réforme à ches protestants • Luther • Conchile ed Trinte • Conchile Vatican I • Conchile Vatican II
Confessions crétiennes Catolikes : Catolikes romans • Catolikes nin-dépindints • Tradicionnalime Ortodoxes pi Oryintaus : Église Ortodoxe • Églises ortodoxes in Oryint • Église Assirienne ed l'Oryint • Crétiens d'Saint Tomas Protestants : Anabatisses • Anglicans • Advintisses • Batisses • Évangélikes • Luthériens • Métodisses • Pintecotisses • Néo-Pintecotisses • Calvinnisses (Réformès) • Restauracionnisses • Simpe Église Anti-Trinnitarime : Cristadelfes • Pintecotisses d'ech Nom Jésus • Témoins Jéhovah • Unnitarisses Cristiannime ésotérike : Antroposofie • Gnosticime • Rosicruciens • Téosofie
Tèmes Art sacrè • Calindrier • Cristiannime occhidintal • Cristiannime oriental • Filosofie crétienne • Musike sacrèe • Liturgie • Prédicacion • Proéïère • Tchulte • Simboles crétiens

Ech cristiannime ch’est unne erligion monotéisse à vocacion universèle aparute edseur ch'judaïme à ch'1er sièke pi fondèe dseur el vnue pi l'prèche ed Jésus-Crisse, raportèes dins ches Évangiles, pi qui considère eq Jésus-Crisse il est ch'Fiu au Diu à ches Juis, pi don qu'il est li-minme Diu itou, incarnè, mort pi résucitè por ech Seuvmint aus onmes, pi don qu'il est ch'Messie promins aus profètes juis, ch'Crisse, ch'Seuveus.

Ech critianime ch'est unne ed ches troés rligions abrahamikes avuc ech judaïme pi chl'islam.-

Aprés sin nactieux cminchmint pi des pérsecutions, ch'Cristiannime dvint ch'erligion ofichiele deuch Impire Romain attenti ch'IVe sièke, pi s'étind abile In Perche, in Inde pi in Etiopie. Attendi ch'Moéyin-Ache edvint maieuritaire in Urope, pamoins i ercule ach Moéyin-Orient a ceuse deuch cminchmint pi d'chés contchétes deuch Islam. A ch'XVIe sièke, ch'Cristiannime dvint ch'erligion ch'pus grinde deuch Monne avé sin contchétes deuch Amérik, pi d'ch'Afrik ach XXe sièke. Innui i o des crétiens dins tertous chés poéyis deuch Monne. In 2021, i avoait 2,546 millards eud crétiens dinch Monne, adon ch'est ch'prumière erligion in nombe eud croéyeus, edvint ch'Islam pi ch'Indouime.^[1]

Ech cristiannime aparoait à ch'1er sièke, et s'présinte à ch'kminchmint dsous deus aspets : prunmièrmint conme unne branke d'l'erligion juie, raport eq dins ch'judaïme, seulmint is puvtte avoér unne chance d'ète seuvès cheus qu'ont 'tè chirconchis ; pis sgondmint conme unne erligion qui cminche à s'éparde in-dfors d'ech judaïme avec queuques non-Juis, ches Gintis, moais qui doévtte suire ches loés d'ech judaïme. De chou qu'o sait, grache à ches lètes ed Saint Paul pi à ches Actes à ches Apotes ed Lu, i n'y avoét mie d'problèmes inte choles deus formes, pi in 51 ch'Conchile ed Jérusalem va fachiliter chole intinte in proclamant l'erligion universèle, conme lé dit Saint Paul dins l'Lète aus Romains.

Ches croéïants du cristiannime o les lonme ches crétiens. Ch'est un mot formint générike, raport qu'ech cristiannime est généralmint basè dseur un sacherdoce, ch'est-à-savoér unne institucion qu'o lonme unne Eglise avuc eds prètes. Chake Eglises apèle ses adeptes conme a vut, per egzimpe ches Catolikes por echl'Eglise catolike, ches Ortodoxes por ches Eglises ortodoxes, ches Anglicans por ches Eglises protestantes anglicannes, ches Protestants por granmint d'erformès prostestants, ches Evangélikes por ches Eglises protestantes évangéliques, ches Maronites por ches ptites Eglises ed tchulte maronite au Liban etc.

El pus grande part ed ches crétiens dins ch'monne is suivtte echl'Eglise ed Rome, echl'Eglise catolike romaine, raport qu'al o 'tè fondèe per Saint Pière (edseur orde ed Jésus-Crisse) pi qu'al o ieu unne istoére grandiose qui li o donnè un grand puvoér, moais d'eutes Eglises egzistte, avuc ed ches rlacions pus o moins boinnes avuc Rome, pi y nin o qu'ont dévlopè un dogme difrint, conme ches Eglises ortodoxes qui n'suivtte mie Rome edpis ch'chizme ed 1054, obin ches Eglises protestantes qui s'sont séparèes d'avuc Rome aprés 1517 pi qui n'ont point d'sacherdoce (point d'difrinche inte ches prètes pi ches fidèles, ches laïcs pi ches clercs, amon ches protestants, chl'onme qui foait ches messes ou ches cérémonies o l'lonme un pateus, il put avoér unne famile pi il est conme ches eutes fidèles, controairmint à ches catolikes per egzimpe).

• 
  El croès ortodoxe
• 
  Ichthus
• 
  Ichthus contimporin.
• Logo d'el conférinche d'ches évêques ed Franche
  Logo d'el conférinche d'ches évêques ed Franche

Il y o ieu granmint d'brankes du cristiannime qu'ont disparu por plangnes ed roaisons, maois seurtout raport qu'is ont 'tè réprouvèes conme érétikes :

• valintinime
• marcionnime
• catarime
• bologomime

etc.

Il y o ieu d'ches brankes crétiennes qu'ont dévlopè d'ches interprétacions formint divergintes d'el vie pi d'el Sinnificacion à Jésus. Por égzimpe, ch'gnostichime, ch'est un courant dualisse qui pinse eq Jésus n'est point vnu por seuver tous ches onmes d'ech Mau, moais seulmint queuques onmes in qui ches gnostikes s'erconnoéçoétte byin.

Is pinsoétte qu'ech monne il avoét 'è créè non point per Diu moais per ech Diaule, pi qu'ech monne d'el matière étoét formint mawaise comparèe à ch'monne spirituel douques ches onmes doévtte vnir, slon eus. Adon, bèlmint d'tchultes gnostikes erkmandoétte ech suichide conme unne forme ed libéracion d'leus esprits « imprisonnès dins l'tchair ».

Ches courants gnostikes, minme si is ont 'tè combatus per difrints moéyins per l'Eglise, sont pamoins rvenus souvint d'Oryint (in Bulgarie seurtout avuc ech bologomime) pi is sont rnès souvint. Per egzimpe, Irénè d'Lyon o écrit in 220 unne sonme d'ardjumints tiologikes conte ech valintinime pi ches eutes érésies gnostikes ed sin tans, moais près d'900 ains pus tard ech catarime a foait rnaite ech gnosticime dins ch'sud d'el Franche pi il o folu unne croésade por y mète fin (el Croésade conte ches Albijois in 1208).

Echl’Évingile ed Saint-Luc i kminche conme cha : « Granmint d’gins is ont interprins d’composer un réchit d’ches aüres qui s’sont apareillèes intermi d’nos-eutes eslon chou qui nos o ‘tè transmins par ches syins qui, dpis ch’kminchmint, ont ‘tè ches témoins pi ches serviteus à l’Parole. Ch’est l’roaison porquoè qu’j’ai apinsè, mi itou, aprés avoèr ertcheuillè avuc préchision d’ches informacions dseur tout chou qui s’o passè dpis ch’kminchmint, d’écrire por ti, min tcher Téofile, un réchit suit, por eq tu t’rindes byin compte d'el solidtè d’ches insingnmints qu’t’os rchus. »

• 
  El croès ortodoxe
• 
  Ichthus
• 
  Ichthus contimporin.
• Logo d'el conférinche d'ches évêques ed Franche
  Logo d'el conférinche d'ches évêques ed Franche

1. ↑ https://www.gordonconwell.edu/center-for-global-christianity/wp-content/uploads/sites/13/2020/12/Status-of-Global-Christianity-2021.pdf