Bioinformatics Wiki
Somari
Una toxina es una substància toxica per un ò plusors organismes vivents. Es producha per l'activitat metabolica de certaneis organismes (bactèris, bolets, insèctes, sèrps, vegetaus... etc.).
Son existéncia foguèt pressentida en 1877 per lo quimista francés Louis Pasteur (1822-1895) que descurbiguèt una reaccion dau sistèma immunitari d'un animau san après una injeccion de sang, filtrat per eliminar lei bacilles, d'un animau mòrt dau carbon. La descubèrta de la nocion de toxina foguèt realizada en 1884 per lo mètge alemand Friedrich Löffler (1852-1915) durant un estudi de la difteria. D'efèct, seis observacions dei cadabres d'animaus victimas d'aquela malautiá li permetèron de conclure a una abséncia de difusion dei bacilles de la difteria de la plaga a l'origina de la penetracion deis agents patogèns au rèsta de l'organisme. Ansin, Löffler formulèt l'ipotèsi de la secrecion d'una substància toxica (dicha « toxina » tre lo començament) difusada dins l'organisme e tocant leis organes vitaus. Aquò foguèt confirmat en 1888 ambé la descubèrta de la toxina difterica per Émile Roux (1853-1933) e Alexandre Yersin (1963-1843).