Bioinformatics Wiki
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![](https://upload.wikimedia.org/wikipedia/commons/thumb/3/38/Napoli_Castel_Nuovo_Maschio_Angioino%2C_a_seat_of_medieval_kings_of_Naples_and_Aragon_2013-05-16_14-05-42.jpg/220px-Napoli_Castel_Nuovo_Maschio_Angioino%2C_a_seat_of_medieval_kings_of_Naples_and_Aragon_2013-05-16_14-05-42.jpg)
Napels (Italiaans: Napoli; Napolitaans: Napule; Letien: Neapolis; Aadgrieks: Νεάπολις "nuuj stad") is de grótste en riekste stad in 't zuje van Itaalje. 't Ligk taenge de naordelike waterkantj vanne Golf van Napels, tössen 't vólkanisch gebied vanne Campi Flegrei in 't wèste enne vólkaan de Vesuvius in 't oeaste. Napels deentj es 't bestuurlik centrum vanne streek Campanië enne pervinsje Napels.
Napels enne ómgaeving vörmp ei vanne verstejjelikste gebiede van Itaalje mit 'n bevölking van zón 960.000 inweuners. De ganse metropool haet 'n bevölking van ruum 3.000.000, waat 't nao Roeame en Milaan de grótste Italiaanse metropool maak. De inweuners vanne stad neump me de Napolitane.
Napels kèntj 'n lang en rieke gesjiechte, kóns en kultuur. 't Eige dialek, 't Napolitaans, wiek zoväöl van 't Standerditaliaans aaf det m'n 't es 'n eige spraok kan betrachte. Dore ligking, gruuedje en kultuur wuuertj Napels döks gezeen es 'n waerspegeling van 't laeven in Zuud-Itaalje.
De pizza kump van oearsprónk oet Napels.