Bioinformatics Wiki

Lukas yaiku penginjil sing tulisané diamot ana ing Kitab Perjanjian Baru. Lukas lair ing Anthiokhia. Lukas uga kawentar dadi pelindung para dhokter lan ahli bedhah, mula dipèngeti saben 18 Oktober.

Cathetan pisanané ana ing Surat Rasul Paulus kanggo Filemon, bab 24. Markus uga karan ing Kolose 4:14 lan 2 Timotius 4:11, rong surat sing ditulis Santo Paulus. Lukas iku asalé saka Antiokhia lan kerja dadi dhokter. Lukas uga kalebu salah sijiné murid saka para rasul banjur mèlu Paulus nganti mati.

Tradhisi Gréja nemoke fakta-fakta liyané sing njurung penjelasan bab Lukas. Epiphanus kandha yèn Lukas iku saka pitung puluh murid sing diutus Yesus Kristus kanggo nyebarake ajarané. Fakta iku isih durung pesthi, manawa deleng Lukas sing anyar dadi Kristen sawisé ketemu Paulus. Yohanes Krisostomus nduga yèn ana tulisan nalika iku ana sadulur sing mau Santo Paulus ana ing 2 Korintus 8:18 yaiku Lukas atau Barnabas. J. Wenham negesaké manèh yèn Lukas iku saka pitung puluh murid saka Emmaus, Lucius saka Kirene, lan sadulur saka Santo Paulus. Ora kabèh akadhemisi yakin Wenham, amarga Lukas ing wiwitan kitab Kisah Para Rasul ngakoni yèn awaké dudu saksi saka prastawa iku.

Yèn bener Santo Lukas iku penulis Injil lan diamot ana ing Kisah Para Rasul, mestiné informasi bab pribadhiné Lukas bisa dilacak luwih akèh manèh. Nanging Lukas ora nglungguhaké awaké dadi saksi mata saka karya pelayanan Yesus Kristus, Lukas bola-bali nganggo ungkapan "sadaya" bab nyritaké misi-misi Santo Paulus ing Kisah Para Rasul. Bab iki duwé indikasi yèn Lukas mèlu Paulus terus. Lukas uga tau manggon ing Troas, yaiku provinsi tilas gogrokané kutha Troya. Lukas nulis perjalanan Paulus nganti tekan Troas. Tulisané mèh padha kaya tulisané Markus lan Matius ^[1]

Lukas dilambangaké kanthi wujud sapi mawa swiwi. Injil pérangan wiwitan ngemot carita-carita Yohanes Pembabtis, Zakharia, Elizabeth, lan carita-carita bab Yesus.^[2]