Bioinformatics Wiki

Diwar-benn bloavezh 1999 an deiziadur gregorian eo ar bajenn-mañ.

Darvoudoù

22 a viz Mae: tamallet Slobodan Milosevic, prezidant Yougoslavia, evit torfedoù a-enep Mab-Den er C'hosovo.
10 a viz Even: paouezet gant kirri-nij an AENA da leuskel bombezennoù war Yougoslavia. Tapet ar rezolusion 1244 gant pennoù an ABU : un "emrenerezh ledan" a vo d'ar C'hosovo a vo dindan lu liesvroadel an AENA.
26 a viz Kerzu: (betek an 28) Kornôg Europa, ha Frañs dreist-holl, tizhet gant barradoù gwallamzer (en tu-hont da 100 den lazhet).

6 Meurzh: miliadoù a dud a vanifest e Naoned evit ma adunanet Breizh.
10 Ebrel: roet lañs en-ofisiel da Arvorig FM.
30 Ebrel: bet staliet gant ti-kêr Felger panelloù divyezhek evit mont-tre er gumun.
1añ Mae: emvod-meur krouiñ Ofis ar Brezhoneg, benveg politikerezh yezh Kuzul-rannvro Breizh e Karaez-Plougêr, diwar atiz Jean-Yves Cozan, Besprezidant ar rannvro e karg eus ar Vreizhadelezh.
23 Mae: 13vet Gouel Broadel ar Brezhoneg, e Spezed.
5 Mezheven: manifestadeg e Karaez-Plougêr evit ur statud publik da Ziwan.
Gwengolo
- Krouidigezh skolioù Diwan an Alre ha Gwenrann
- Krouidigezh klasoù divyezhek publik e Perwenan, Plistin ha Konk-Kerne
- Krouidigezh ur c'hlas divyezhek katolik e Ploueskad
- 28: laeroñsi danvez-tarzh e Plevin (Breizh).* 5 Du : Digoridigezh burevioù Ofis ar Brezhoneg e Karaez-Plougêr.
6 Du: aet Stefan Moal da benn Unvaniezh ar Gelennerien Brezhoneg.

7 Mae : Sinet Karta Europa ar yezhoù rannvroel ha minorel gant gouarnamant Lionel Jospin.
12 a viz Du: 34 den a varv gant glaveier kreñv e tri departamant bro-Frañs.
15 a viz Du: embannet eo al lezenn niverenn 99/944 a laka e pleustr an Emglev keodedel a gengred (PACS e galleg).

31 a viz Kerzu: Boris Yeltsin a ziskrog diouzh e garg hag a zo kemeret gant Vladimir Poutin.

15 Ebrel : Aljeria : Aet Abdelaziz Bouteflika da brezidant ar Republik gant 73,19% eus ar mouezhioù (6 danvez-prezidant diwar 7 a oa aet war gil pa gave dezho e oa kamm an dilennadegoù).

Dizoloadenn ar fleroviom gant skipailh Ensavadur Unvanet an Enklaskoù Nukleel e Dubna (Rusia).
1añ a viz C'hwevrer: dilezet eo al Lizherenneg Morse.

1añ Genver: degemeret eo an Euro er marc'hadoù arc'hant en 11 Stad eus Unvaniezh Europa evit sevel takad an euro. Feurioù eskemm moneizoù ar Stadoù zo gwiriekaet.