Émile Adolphe Gustave Verhaeren tir belgaf francavaf ezlopik. Koe Saint-Amands wida poke Antwerpen koe Vlaandera ke Belga ba 21/05/1855 koblir, aze ba 27/11/1916 koe Rouen ( Franca ) waltanon xonuker.
Blirizva
Verhaeren dene kulupafa yasa koblir, i dene yasa francavusa solve Vlaanderava koe wida is bema felir. In va francavafa reila koe Gent taneon nobar aze koe guazafa kotla ke Leuven va rokopa vayar. Va rijay dem suterotik sutelas va La Jeune Belgique virda to banlize rungruper aze va inyon taneaf teliz dene vayasikafa virda sanegar.
Bam va malyerotafa klepa lakurebgar ise djukuvanpir suterotik. Bak 1883 va taneafa larma dem geltrevafa ik tuwavevafa ezla sanegar. Seramon emuden gan vabduikeem, suteks koe vo bilitar. Gadikeem poman gan gertik ke wida va piskukseem vilatason dace laluster. Bilita tiyir mewelidan mukot ke ezlopik enide lokalion di tugrupenawer. Soe va aryon ezlak direkeon wan sanegar.
Bak 1890-e sanda, Verhaeren va seltaf uum is seltevafa rietova dulaper ise va « arotievafa exura » koaskir, ise va muxara koe yona ezla va alpoz ke widavapa is tel volsaf ke tawadayafa blira kobaver. Va intyona corara va warzaf ugal koe larma dum Les Campagnes hallucinées is Les Villes tentaculaires is Les Villages illusoires is Les Aubes wenyaxa muxar. Bata ezla va in di tusposad, isen inaf grabomeem koe kotrafa tamava zo malfrancavar. Ta belirura is laxara koe kipi ke Europa koyar.
Viele bak 1914 Taneafa Tamavageja vinustar ise nekev mialoduca Belga gan germanaf milk zo kereler, pune Verhaeren koe Germana re tigir ise tir verolon gu aliuca. Va yona dilievafa ezla suter ise va oviskuca ke geja lyumar.
Radimi tanbata laxa koe Rouen ( Franca ), platiyinon gan tari lev krafol ke artlapis impadimak waltanon xonuker.
Stragela
Charles Baudouin, Le Symbole chez Verhaeren, Genève : Mongenet, 1924.
André Mabille de Poncheville, Vie de Verhaeren, Paris, Mercure de France, 1953.
Jean-Marie Culot, Bibliographie de Émile Verhaeren, Duculot, 1954.
Gilles Van Grasdorff et Alain Antoine-Plisnier, Dites-nous Émile Verhaeren, Bruxelles : Chabassol, 1986.
Béatrice Worthing, Émile Verhaeren (1855-1916), Paris : Mercure de France, 1992.
Marcel Wardavoir, Les Heures sombres d'Émile Verhaeren, Le Livre, 1995.
Jacques Marx, Verhaeren, biographie d'une œuvre, Académie royale de langue et de littérature françaises de Belgique, 676 p., 1996 ISBN 2-8032-0020-1
David Gullentops, L'inventaire de la bibliothèque d'Émile Verhaeren, Paris, 1996.
David Gullentops, Poétique de la lecture. Figurativisations et espace tensionnel dans la poésie d'Émile Verhaeren, VUB-University Press, 2001.
Kilien Stengel, Les poètes de la bonne chère, Anthologie de poésie gastronomique, Coll. Petite Vermillon, Éd. de la Table ronde, 2008. ISBN 2710330733