Bioinformatics Wiki
Kina | |
---|---|
Land/Länder | Papua-Neiginea |
Underdeilig | 100 Toea |
Abchürzig | K |
Abchürzig (ISO-4217) | PGK |
Wechselkurs (05. Oktober 2019) |
1 EUR = 3,74 PGK 1 PGK = 0,27 Euro 1 CHF = 3,40 PGK 1 PGK = 0,29 CHF |
Chleinsti Münze | 5 Toea |
Gröschte Schyn | 100 Kina |
Dr Kina (ISO 4217-Code: PGK) isch e Währig vu Papua-Neiginea. Ai Kina wird in 100 Toea unterdailt. Dr Name Kina chunnt vu dr Kinamuschle, eme traditionälle Zahligsmittel im Hochland vu Neiginea.
Fir d Stabilisierig vu dr intärne Wirtschaftschraislaif wird syt 2002 dr Gebruuch vum draditionälle Muschelgäld vu dr Tolai as Komplementärwährig offiziäll gferderet. Scho anne 2001 het d Provinzregierig vu East New Britain d Zahlig vu Styyre mit Muschelgäld gnähmigt. Im Februar 2002 isch in dr Nechi vu Rabaul uf dr Insle Neibritannie di wältwyt erscht Muschel-Bank ufgmacht. D Tolai Exchange Bank wägslet s Muschelgäld in Kina. Dr aktuäll Wägselkurs lyt bi vier Kina fir ai fathom (e Chette mit Muschle, wu zwische zwee uusgstreckte Ärm vu aire Hand bis zue dr andre goht). Elai uf dr Gazelle-Halbinsle schetzt mer e Umlauf an Muschelgäld in Hechi vu acht Millione Kina.
-
Kina-Banknote (2, 10, 20) un 1-Kina-Minz
-
Toeia-Minz (5, 10, 20, 50 t) un Kina-Minz (1 un 2 Kina)