Bioinformatics Wiki

Kokkai (Japannees: 国会, letterlik "Ryksdag") is die Japannese parlement. Dit is geleë in die wyk Chiyoda in Tokio.

Die parlement bestaan uit twee kamers:

• Die laerhuis, of huis van verteenwoordigers (Shūgiin), wat uit 480 lede bestaan.
• Die hoërhuis, of huis van raadslede (Sangiin), wat uit 242 lede bestaan.

Die lede van albei kamers van die parlement word regstreeks verkies deur middel van parallelle stemstelsels. Benewens wette uitvaardig, verkies hulle ook die eerste minister.

Die parlement het in 1889 die eerste keer gesit as die Keiserlike Ryksdag. Dit is geskoei op die Duitse Reichstag en die Britse parlement. Die huidige vorm dateer van 1947, toe die naoorlogse grondwet aanvaar is. Daarvolgens is dit die staatsliggaam met die hoogste gesag.

• Wikimedia Commons het meer media in die kategorie Kokkai.
• Hierdie artikel is vertaal uit die Engelse Wikipedia