Trends in LIMS

Boliveye
Drapea	Åres nåcionåles
Imne nåcionå: Bolivianos, El Hado Propicio
Mwaisse-veye	Sucre, La Paz
Lingaedje oficir	Espagnol, Aymara, Ketchwa, Gwarani
Sitindêye • totåle	1 098 581 km²
Populåcion • totåle	12,244,159 dimorants 11.1 djins/km²
Dislaxhaedje	1825
Tchîf d' estat	Luis Alberto Arce Catacora
Prumî minisse	Luis Alberto Arce Catacora
Manoye	boliviano
Coisse d' eure	UTC−04:00, Amérique/La Paz, America/Cochabamba
Preficse telefonike	+591
Dominne internete	.bo
I gn a so les cmons Wikipedia des imådjes ou fitchîs son a vey avou Boliveye

Li Boliveye, c' est on dislaxhî payis di l' Amerike nonnrece.

Sitindowe : 1 098 581

Preficse pol telefone : 591

Mwaisse veye : Sucre (Soucré).

Lingaedjes oficires : Sorlon l' mwaisse lwè di 2008 (ki rote dispu l' moes d' djanvî 2009), li castiyan est l' lingaedje oficire a costé des 26 ptits lingaedjes do payis, inte di zels, l' aymara eyet li ketchwa.

Sacwants lingaedjes ont stî eredjistrés pa Flipe Boula pal voye do ratournaedje del fåve «Li bijhe et l' solea»

I sont-st rschoûtåves sol mape veyåve droci.

Dispu l’ 15inme s., des Espagnols, des Djwifs Sefarådes, des Libanès, des Almands et des Crowates ont-st abagué sol Boliveye.

Il ont fwait bouter les Indyins dins les fosses et les haswès (grandès cinses, haciendas).

Ça n’ a waire candjî å dislaxhaedje do payis e 1835.

Mins e 1952, al revintreye (revolucion) da Victor Paz Estensoro, les Aymaras et les Ketchwas s’ ont lomé les «payizans» (c' est on montaedje e gråde). I cminçnut a-z aler a scole, i polnut vôter et i rdivegnnut mwaisses-tinants di leus teres.

Portant, culturelmint, gn a rén ki bodje : l’ espagnol est l’ seul lingaedje do payis et li seu modele di tuzance et d’ vicance, c’ est l’ ci do monde coûtchantrece.

Portant, dispu les anêyes 1970, gn a askepyî sacwants pårtis indyins « intelectuwels » C’ est zels k’ ont fwait passer les lwès di 1994 ki ricnoxhèt les droets des cminåltés indyinnes di s’ govierner zeles-minmes et d’ eployî leus langues. Cesses-ciales divrént esse acsegnêyes e scole. Mins, come tofer, li scolaedje des langues do payis n’ a waire roté, paski les mwaisses di scole n’ avît nole håsse di l’ apliker.

E moes d’ octôbe 2003, li prezidint Gonzalo Sanchez de Losada vout vinde do gaz ås Estats Unis tot passant på Tchili (l’ innmi istorike del Boliveye). Les Indyins ni fjhèt ni ene ni deus : i dmandnut li fén do forpoujhaedje des ritchesses minreces. Et roter sol palå do prezidint ki dva såperter e-n elicoptere.^[1]

Djåzant atlasse des lingaedjes do payis

I gn a so les cmons Wikipedia des imådjes ou fitchîs son a vey avou l' Boliveye .

1. ↑ Jacqueline Michaux, Boliveye, èn egzimpe pol tuzance walone ?, Li Rantoele, esté 2009.