Trends in LIMS

پلیہ

عمومی معلومات
علاقہ کا صدر مقام	باری (Bari)
صدر علاقہ	نکی ویندولا (Nichi Vendola)
صوبوں کی تعداد	5
کمونے کی تعداد	258
رقبہ	19,366 مربع کلومیٹر (ساتواں ۔ 6.4 فیصد)
آبادی	4,071,518 (ساتواں ۔ 7.0 فیصد)
علامت
فائل:Puglia-Stemma.png

پلیہ (انگریزی: آپولیہ Apulia) (اطالوی :پلیہ Puglia) جنوبی اٹلی کا علاقہ ہے جس کے شمال میں اٹلی کا علاقہ مولیزے، مغرب میں کمپانیہ، جنوب مغرب میں بازیلیکاتا، مشرق میں بحیرہ روم کا حصہ بحیرہ آڈریاٹک (Adriatic Sea)، جنوب مشرق میں بحیرہ عیونین (بحیرہ ایونی) اور جنوب میں خلیج ترانتو واقع ہے۔ آڈریاٹک اور عیونین کے سمندروں سے پار یونان اور البانیہ کے ممالک واقع ہیں۔ علاقائی صدر مقام باری (Bari) ہے، علاقہ کا رقبہ19,366 مربع کلومیٹر اور آبادی لگ بھگ چالیس لاکھ ہے۔ علاقہ کو چھ صوبوں میں تقسیم کیا گيا ہے جن میں سے پانچ صوبے باری، برندیسی ( بریندیزی)، فوجا (Foggia)، لےچے (لیچہ) اور ترانتو ( تارانتو) ہیں، جبکہ چھٹا صوبہ بارلیتا، آندریا اور ترانی (Barletta Andria and Trani) کا 2005ء میں بنایا گیا ہے اور اس صوبہ کے لیے صوبائي نمائندون کے پہلے انتخابات 2008ء میں ہوں گئے۔ علاقہ زیادہ تر میدانی ہے، لیکن ساحلی علاقوں میں کئی چھوٹی چھوٹی پہاڑیاں واقع ہیں۔

علاقہ کے پانچ باضابطہ صوبوں کی تفصیل خانہ معلومات میں دی گئی ہے۔

نمبر شمار	صوبہ	آبادی (2005ء)	رقبہ (مربع کلومیٹر)	کمونی
1	باری (Bari)	1,594,109	5,138	48
2	برندیسی (بریندیزی)	402,093 (2001ء)	1,839	20
3	فوجا (Foggia)	686,856	7,190	64
4	لےچے (لیچہ)	787,639 (2001ء)	2,759	97
5	ترانتو (تارانتو)	580,588	2,437	29

(نوٹ: خانہ معلومات میں دی گئی آبادی سارے صوبہ بشمول تمام کمونے کی آبادی کے ہے، نہ کا صرف شہر کی۔)

ماضی سے ہی فارمنگ اہم ترین پیشہ رہا ہے، لیکن صنعتی ترقی بھی آہستہ آہستہ ہوئی ہے۔ فارمی پیداواروں میں زیتون، انگور، بادام، تمباکو وغیرہ شامل ہیں۔ اس کے علاقہ گلہ بانی بھی اہم پیشہ ہے اور اہم پالتو جانوروں میں بھیڑیں، سور، بکریاں وغیرہ شامل ہیں۔ صنعتی پیداوار پیٹرولیم اور پیٹرولیم کی مصنوعات، کمیائی مرکبات، سیمنٹ، لوہا اور سٹیل، تیار اور سربند خوردنی مصنوعات، پلاسٹک اور شرابیں شامل ہیں۔ ساحلی علاقوں میں ماہی گیری بھی اہم پیشہ ہے۔ شعبہ خدمات اور سیاحت زمانہ جدید میں اہم ذرائع آمدنی کے طور پر ابھر رہے ہیں۔

علاقہ کے آباد ترین شہر جن کی آبادی پچاس ہزار نفوس سے زیادہ ہے درج ذیل ہیں۔

نمبر شمار	شہر	آبادی (05۔2004ء)	صوبہ
1	باری (Bari)	328458	باری (Bari)
2	ترانتو (تارانتو)	199012	ترانتو (تارانتو)
3	فوجا (Foggia)	154780	فوجا (Foggia)
4	بارلیتا (Barletta)	93104	باری (Bari)
5	لےچے (لیچہ)	92,061	لےچے (لیچہ)
6	برندیسی (بریندیزی)	89,422	برندیسی (بریندیزی)
7	مانفریدونیا (مانفریدونیا)	57,424	فوجا (Foggia)
8	چیرینیولا (چیریگنولا)	57813	فوجا (Foggia)
9	بیتونتے (Bitonto)	56420	باری (Bari)
10	بیچیلیعے (Bisceglie)	53405	باری (Bari)