1488 – Bartolomeu Dias ti Portugal ngadarat di Basisir Mossel sabada ngurilingan Tanjung Harepan, minangka urang Éropa munggaran nu kanyahoan ngalalampah sakitu ngidulna.
1783 – Perang Révolusioner Amérika: Spanyol ngaku kana kamerdékaan Amérika.
1807 – Pasukan militer Inggris dina pingpinan Brigadir Jéndral Sir Samuel Auchmuty ngarebut Kota Motevideo nu dikawas aku Spanyol. Kiwari kota éta jadi puseur nagri Uruguay.
1813 – José de San Martín ngéléhkeun tentara Karajaan Spanyol di San Lorenzo, minangka bagéan tina Perang Kamerdékaan Argéntina.
1830 – Protokol London Taun 1830 mikeun kamerdékaan pinuh pikeun Yunani ti Kasultanan Utsmaniyah minangka hasil ahir tina Perang Kamerdékaan Yunani.
1918 – Torowongan Twin Peaks di San Fransisco, California mimiti dibuka, minangka torowongan jalan nu pangpanjangna di dunia, 3.633 méter.
1933 – Adolf Hitler ngabéwarakeun ékspansi Lebensraum ka Éropa Wétan minangka tujuan géopulitik ahir tina kawijakan luar nagri Third Reich (Karajaan Katilu).
1943 – Kapal SS Dorchester ditilemkeun ku U-boat Jérman. Ngan 230 tina 902 jalma di sajeroeun kapal nu harirup kénéh.
1944 – Perang Dunia II: Nalika kampanye Kapuloan Gilbert jeung Marshall, tentara AS hasil ngarebut Atol Kwajelein ti garnisun Jepang.
1945 – Perang Dunia II: Minangka bagéan tina Operasi Thunderclap, sarébu pasawat B-17s ti Angkatan Udara ka-8 ngaboman Bérlin, nelasan antara 2.500 nepi ka 3.000 jalma sarta kira-kira 120.000 séjénna leungiten Imah.
1945 – Perang Dunia II: Amérika Sarikat jeung Pasamakmuran Philipina ngamimitian hiji perang panjang pikeun ngarebut Manila ti Jepang.
1953 – Pangbantéyan Batepá lumangsung di São Tomé nalika pamarétah kolonial Portugis jeung para pamilik tanah ti Portugis ngahembatkeun kaheurasan ka urang pribumi kreoles nu nelah ku sebutan urang forro.
1958 – Sarikat Ékonomi Benelux ngadeg, minangka dasar uji coba pikeun naon anu jaga disebutna Komunitas Ékonomi Éropa.
1961 – Angkatan Udara AS ngamimitian Operasi Kaca Eunteung, sarta salila 30 taun ti harita hiji "Pasawat Kiamat" salawasna aya di jomantara nu boga kawasa ngontrol kana serangan bom jeung misil AS.
1972 – Poé kahiji tina Badéy Salju Iran 1972 salila tujuh poé, nu bakal nelasan 4.000 jalma, minangka pangmaut-mautna badéy salju dina sajarah.
1984 – John Buster jeung tim riset ti Pusat Kaséhatan Harbor-UCLA ngabéwarakeun geus hasil ngalakukeun pamindahan émbrio nu munggaran dina sajarah, ti hiji awéwé ka awéwé nu hasil ngalahirkeun.
1989 – Kudéta militer ngarugrugkeun Alfredo Stroessner, diktator Paraguay ti saprak taun 1954.
1998 – Bencana karéta gantung Cavalese: saurang pilot militer AS ngabalukarkeun maotna 20 jalma nalika pasawatna nu ngapung di handap neukteuk kabel karéta gantung di deukeut Trento, Italia.
2007 – Bom di hiji pasar di Baghdad nelasan saheunteun 135 jalma sarta nyideraan 339 lianna.
2014 – Dua jalma ditémbak mati sarta 29 murid di sandera di hiji SLA di Moskow, Rusia.
