Trends in LIMS
Suku Batawi punika suku ingkang manggèn wonten ing kutha Jakarta.[1] Suku Batawi punika ngginaken dialék Batawi.[1] Dialék Batawi punika salah satunggaling logat basa Malayu.[1] Basa Batawi punika basa Malayu kanthi dialék Nusa Kalapa.[1] Nusa Kalapa saha Pakuan punika dados kutha ingkang wigati nalika jaman karajan Pajajaran ingkang dipunpimpin Prabu Siliwangi.[1] Nusa Klapa sapunika dipunwastani kutha Jakarta.[1] Sifat campur-aduk sajeroning dialék Batawi punika gambaran saking kabudayan Batawi limrahipun.[1] Kabudayan Batawi punika sipunasilaken saking campuran budaya-budaya sanèsipun saking laladan-laladan ing Nuswantara saha budaya asing.[1] Wonten ing babagan kesenian, umpaminipun seni Gambang Kromong ingkang asalipun saking seni musik Cina, nanging ugi wonten rebana ingkang kalebet tradhisi piranti musik Arab, Keroncong Tugu ingkang taksih wonten budaya Portugis-Arab, saha Tanjidor ingkang gadhah budaya Walanda.[1]
Laladan budaya Batawi punika kapérang dados kalih pérangan inggih punika Batawi Tengah utawi ingkang dipunwastani Batawi Kutha saha Batawi Pinggiran.[2] Ingkang kalebet laladan Batawi Tengah punika laladan naliak jaman akir Pamaréntah kolonial Walanda kalebet laladan Gemeente Batavia, kejawi Tanjung Priuk lan sakupengipun.[2] Suku Batawi gadhah jajan kas ingkang dipunwastani dhodhol utawi jenang.[2] Dhodhol kalebet jajanan ingkang raosipun legi.[2] Dhodhol punika limrahipun dipundamel kaliyan tiyang ingkang sampun kulinten supados saged ngasilaken dhodhol ingkang éco saha kualitasipun saé.[2] Kajawi dhodhol, suku Batawi ugi gadhah kesenian kas ingkang wujud topéng Batawi.[2] Topéng Batawi punika ugi saged dipunwastani lénong Batawi.[2]
Cathetan suku
