Trends in LIMS

Jamaica
Jamaika

(Flagg Jamaika) (Skjaldarmerki Jamaika)
Tjóðarslagorð: Out of Many, One People
Tjóðsangur: Jamaica, Land We Love
Alment mál	Enskt
Høvuðsstaður	Kingston
Forsætisráðharri	Andrew Holness
Kongur	Charles III
Fullveldi	6. august 1962 (frá Stóra Bretlandi)
Vídd  - tilsamans  - vøtn (%)	11 425 km² 1.5 %
Íbúgvar  - tilsamans 2013  - tættleiki	2,909,714 252/km²
Gjaldoyra	Jamaikadollari (JMD)
Tíðarøki	UTC -5
Økisnavn á alnetinum	.jm
Telefonkota	+1-876

Jamaika ella Jameika (enskt Jamaica) er ein oyggj í Karibiska havinum í Norðuramerika. Høvuðsstaðurin eitur Kingston.

Jameika er vøkur oyggj, men har eru stórir mótsetningar. Har eru fólk, sum taka sær av løttum og av heilum huga íðka krikkit og spæla reggaetónleik. So er tað stóri spenningurin ímillum nakrar fáar máttmiklar ríkmannaættir og tey fátæku í mongu fátækrabýlingunum í Kingston, har eisini nógvur harðskapur valdar. Hesa skuggasíðu síggja fá ferðafólk, sum á hvørjum ári koma at njóta lívið og tropuveðurlagið í hesum fagra landi. Ein annar týðandi vinnuvegur á Jameika er aluminiumsnámsvinnan, men hon fer óvuliga illa við náttúruni, tí at gomlu námsopini standa full av vatni og sýrueitri. Tað drepur allan vøkstur.

Íðnaðurin í Jameika er fjølbroyttur. Har eru oljureinsiverk, telduvirki og klædnavirki. Mong steinsløg verða brotin, av teimum er aluminiumsmálmur tað týdningarmesta. Ein vinnuvegur, ið vindur nógv upp á seg, er teldutilbúnaður, ið til dømis er at forrita og viðgera teldulutir og síðan senda teir til telduvirki í USA, har teldurnar verða gjørdar lidnar. Í Karibia er vanligt, at útlendsk feløg eiga hesar teldufyritøkur, men í Jameika eiga fólk har meginpartin.

Umframt ídnað og ferðavinnu hevur landbúnaðurin eisini stóran búskaparligan týdning í Jameika, og mong fólk arbeiða í banan-, kaffi-, kakao- og sukurlundum. Mangir jameikanar liva eisini av fiskiveiði, ella teir eiga ein jarðarteig og dyrka sær sínar egnu búnaðarvørur.

• Karibia

Sí miðlasavnið

»Jamaika« í Wikimedia Commons.