Trends in LIMS

	Unión Europea; European Union
	(En detalle)
	Lema: In varietate concordia; (latín: Unitos en a dibersidat)
	Himno: Himno d'a Unión Europea
	Situación UE
Capital	{{{capital}}}
Seu	Bruselas, Belchica; Estrasburgo, Francia; Luxemburgo, Luxemburgo;
Mayor ciudat	Berlín
Idiomas oficials	24 luengas oficials
Forma de gubierno Consello Europeu; Comisión Europea	; Herman Van Rompuy; José Manuel Durão Barroso
Miembros	27 estaus
Establimiento	• T. París (18 d'abril de 1951); • T. Roma (25 de marzo de 1957); • T. Bruselas (8 d'abril de 1965); • A.U. Europea (1 de chulio de 1987); • T. Maastricht (7 de febrero de 1992); • T. Amsterdam (1 de mayo de 1999); • T. Niza (1 de febrero de 2003); • T. Lisboa (1 d'aviento de 2009)
Superficie	4.324.782 km²
Población; • Total (2023); • Densidat	; 448.387.872 ; 114 hab./km²
PIB (2021); • PIB per capita ; • PIB nominal (2008); • PIB nominal per capita	EUR€ 14,4 billons; EUR€ 32.270; USD 18.493.009 millons; USD 37.194
Moneda	Euro (€)
Zona horaria	{{{utc}}}
Dominio d'Internet	.eu
Pachina web	www.europa.eu

A Unión Europea u UE, ye una organización supranacional formata por estaus d'a rechión europea (actualment 27) adedicata a incrementar a integración economica y politica y a reforzar a cooperación entre los suyos estaus miembros. A Unión Europea naixió l'1 de noviembre de 1993, seguntes las clausulas d'o Tractau de Maastricht, encara que ye a heredera d'a Comunidat Economica Europea, creyata en 1957, que desapareixió con a creyación d'a UE.

Con o Tractau d'a Unión Europea, s'atorgó a ciudadanía europea a los ciudadans de cada Estato miembro. S'intensificoron los alcuerdos duaneros y sobre inmigración con o fin de permitir a los ciudadans europeus una mayor libertat ta vivir, treballar u estudiar en cualsiquier d'os estaus miembros y se relaxoron los controls en las mugas.

Las especials relacions politicas se traducen en l'establimiento d'un mesmo Ordenamiento Churidico común, superior a las lechislacions nacionals, y en l'esistencia y funcionamiento d'os suyos organimos politicos y institucións, superiors a los d'os estaus miembros.

Los 27 estaus actualment miembros d'a Unión Europea (con a suya calendata de dentrada) son:

Actualment, con los suyos cuasi 500 milions d'habitants, a Unión Europea creya arredol d'o 30% d'o Producto Interior Bruto mundial.^[1]

Dica hue, Groenlandia (parte de Dinamarca) y o Reino Uniu son os unicos territorios en haber albandonato a Unión Europea dimpués d'haber-ne feito parte, encara que Noruega refusó en 1972 y 1994 en dos referendums a suya dentrada, luego de rematar los alcuerdos previos a la suya incorporación a la UE.

Historia

Articlo prencipal: Historia d'a Unión Europea

Orichens

En rematar a Segunda Guerra Mundial, prenioron fuerza en Europa antigas concepcions de tipo politico que pensaban que una mayor integración economica d'os países d'Europa portaría a evitar las friccions entre ixos países, fendo asinas mas difícil una nueva guerra en o continent. Antiparte, los Estaus Unius, ta evitar a expansión ta los países occidentals d'o comunismo dende a Unión Sovietica, establioron o clamato Plan Marshall, ta favoreixer a expansión y recuperación economica europeas, y ista aduya d'o Plan Marshall, ta estar eficaz, febe imprescindible establir mecanismos de cooperación entre las economías d'os países europeus.

En 1948 en Checoslovaquia bi habió o clamato golpe de Praga, cuan o Partiu Comunista de Checoslovaquia prenió o poder en o país, y los países d'Europa Occidental establioron o 18 de marzo de 1948 o Tractau de Bruselas, ta establir una Unión Occidental, con colaboración en temas economicos, socials, culturals y esfensivos. Los países que sinyoron o Tractau estioron Países Baixos, Belchica, Luxemburgo, Francia y o Reino Uniu. Encara que dimpués s'establió (en 1949), con mas miembros y con l'aduya de Canadá y Estaus Unius a OTAN, o Tractau de Bruselas estió un punto clau en o proceso de creyación d'una Europa unita.

A Comunidat Economica d'o Carbón y de l'Acero

Ya en 1946, en una reunión en Colonia entre o francés Robert Schuman, l'alemán Konrad Adenauer y l'italián Alcide De Gasperi se charró d'a posible unión europea, cuan yeran en una reunión de partius democrata cristianos. O 9 de mayo de 1950, Robert Schuman fació a Declaración Schuman, que ye considerata l'acta de naxencia d'a Unión Europea, y bi proponeba, d'alcuerdo con Jean Monnet, a creyación d'un organismo ta meter en común a producción de carbón y d'acero de Francia y d'Alemanya Occidental, amás de cualsiquier país que se i adhibise.

Asinas, a primera institución de cooperación economica entre los países d'Europa estió a Comunidat Economica d'o Carbón y d'o Acero (CECA), establita en 1951 por o Tractau de París, que teneba a finalidat de coordinar las economías nacionales en los sectors economícos d'a menería d'o carbón y d'a industria siderurchica pesata, ta a fabricación d'acero. Los países fundadors d'ista comunidat economica estioron Belchica, Países Baixos, Luxemburgo, Francia, Italia y Alemanya Occidental. Sindembargo, o Tractau que establió a comunidat feba referencia a la voluntat politica d'una federación europea, estando asinas o primer paso enta l'actual Unión Europea.

A Comunidat Economica Europea

En 1957, los mesmos países sinyoron o Tractau de Roma, ta establir a Comunidat Economica Europea (CEE), que se definiba como un mercato común u unión duanera ta permitir en o suyo interior a libre circulación de mercaderías y de personas, fomentar a cooperación economica y augmentar o ran de vida d'os suyos ciudadans nacionals. Tamién s'establió l'Euratom u Comunidat Europea d'a Enerchía Atomica, con los mesmos estaus miembros. Ye a clamata CEE-6 u Europa d'os 6.

Antiparte, tamién se creoron los fundamentos d'a ideya d'a libre competencia y, encara mes important, d'o posterior desarrollo d'unas leis comuns a toz los estaus miembros en unas mesuras d'integración lechislativa ta favoreixer a integración economica y politica.

1973: primena enamplata d'a CEE

En 1973 se fació a primera enamplata d'a CEE, en dentrar Dinamarca, Irlanda y o Reino Uniu, luego de superar-se las reticencias francesas contra a dentrada en a CEE d'os britanicos, que heban feito que Francia en vetase a dentrada en 1966 y 1967 ta salvaguardar a suya producción agricola, encara que tamién por motivos politicos. Tamién yera prevista a dentrada de Noruega, encara que en un referendum a población noruega refusó a incorporación d'o suyo país a la CEE.

Con Dinamarca dentró o suyo territorio de Groenlandia, que albandonó dimpués a Unión Europea, encara que fa parte de Dinamarca. Ista enamplata estió a primera d'as succesivas enamplatas, y incorporó a la CEE dos países economicament muit abanzatos (Dinamarca y o Reino Uniu), reforzando amás o sector d'a CEE de l'Oceano Atlantico. Sindembargo, daneses y britanicos estioron dende a suya dentrada en a CEE parte d'os clamatos países euroscepticos, reticens a la creixencia d'as institucions politicas europeas. Ye a clamata CEE-9 u Europa d'os 9.

1981-1986: segunda enamplata d'a CEE

Los países europeus d'a mar Mediterrania (Grecia, Espanya y Portugal) miraban de dentrar en a CEE dende feba anyadas, pero lis mancaba uno d'os requisitos fundamentals, como yera a existencia d'un sistema politico interno de tipo democratico: en Grecia bi heba a clamata Ditadura d'os Coronels, en Portugal bi heba a dictadura de António de Oliveira Salazar (y dende 1968, de Marcelo Caetano), y en Espanya a dictadura de Francisco Franco.

Sindembargo, a meyatos d'os anyos 1970 istos tres países plegoron a un sistema democratico, encara que por vías diferents: en Grecia, luego de fracasar l'intento d'anexión de Chipre por a invasión d'ista isla por Turquía, cayó a dictadura en 1974, y se restablió un sistema democratico, abolindo amás a monarquía. En Portugal, un golpe d'estato d'os militars mas chóvens y ubiertos en un marco de crisis por las guerras colonials, fació cayer a dictadura, o 25 d'abril de 1974, en a clamata Revolución d'os Clavels. En Espanya, o 20 de noviembre de 1975 morió o dictador, y encara que bels elementos reacionarios d'o rechimen tentoron d'evitar-lo, en 1977 s'aprobó a Constitución espanyola de 1977, restablindo o sistema democratico.

En ixas condicions, a dentrada d'istos tres países en a CEE yera imprescindible ta enamplar a base economica, territorial, social y politica d'a propia CEE, encara que tamién ta saldar, a o menos parcialment, a deuda d'os países europeus en permetir a continidat d'as dictaduras en ixos países dica los anyos 1970. Asinas, luego d'adaptar las suyas economías en un proceso de converchencia economica con Europa, en 1981 dentró Grecia, y en 1986 dentroron Espanya y Portugal, creyando asinas a clamata CEE-12 u Europa d'os 12, ubrindo a CEE a o sud mediterranio.

Acta Unica Europea

O tractau de l'Acta Unica Europea fue sinyato o 17 de febrero de 1986 en a ciudat de Luxemburgo (Luxemburgo) y o 28 de febrero en Den Haag (Países Baixos), nomás mes y meyo dimpués de dentrar Espanya y Portugal, ta dentrar en vigor o 1 de chulio de 1987. Los suyos puntos prencipals estioron l'abance enta un sistema de libre comercio en a CEE dirichito enta un verdadero mercato común, l'aparición d'a ideya de Cooperación Politica Europea (antecedent de l'actual Politica Esterior y de Seguridat Común d'a UE) y o reforzamiento d'a cooperación entre los estaus miembros en los campos d'a rechira, a tecnolochía, o medio ambient, a seguridat y a esfensa.

L'Acta Unica Europea estió un paso fundamental enta a posterior constitución d'a Unión Europea.

Tractau de Maastricht

A sinyatura d'o Tractau de Maastricht en 1992 estió unatro paso fundamental enta o proceso d'unificación europea, estando un tractau seguntes o cual los países miembros d'a CEE cedeban importants parcelas d'a suya propia sobiranía a las institucions europeas, como o Parlamento Europeu, muit reforzato por iste Tractau, encara que se reforzaban tamién las politicas de cooperación en temas economicos y socials. Amás, a CEE se convertió formalment en a Unión Europea (UE). Tamién se remató o proceso d'unión monetaria europea, creyando o Banco Central Europeu y a moneda unica, l'euro.

1995: tercera enamplata

En 1995 dentroron en a Unión Europea Suecia, Finlandia y Austria, en a clamata UE-15 u Europa d'os 15, dentrando asinas tres d'as democracias mas estables d'o continent, con sistemas politicos y socials muit abanzatos.

2001: Moneda unica, Tractau de Niza y cuatrena enamplata

O 2 d'octubre de 1997 se sinyó en a ciudat neerlandesa d'Amsterdam o Tractau d'Amsterdam, que yera una revisión d'o Tractau de Maastricht de 1992. Se quereba fer a profundización d'a linia anterior, amillorando a posición d'os ciudadans como elements fundamentals d'o proceso de construcción europeu. Tamién se miraba d'amillorar o proceso de presa de decisions en a Unión Europea, imprescindible en una Europa d'os 15 con muitas posibilidaz de doblar o suyo numero de países miembros.

En 1998 prencipió a moneda unica, l'euro, que prencipió a circular fisicament como moneda común (encara que no pas ta toz los miembros) en 2002. Antiparte, con a sinyatura en 2001 d'o Tractau de Niza, se metieron las bases d'a cuatrena gran enamplata de miembros d'a UE en 2004, a mayor d'a suya historia dica hue, plegando dica los 25 miembros (UE-25 u Europa d'os 25).

2007: seisena enamplata

En 2007, en dentrar Rumanía y Bulgaria.

2013: cinquena enamplata

En 2013, en dentrar Croacia a UE plegó dica 28 miembros (UE-28 u Europa d'os 28).

2020: Brexit

Dimpués d'a salida d'o Reino Uniu o 31 de chinero de 2020, a Unión Europea pasó a tener 27 miembros.

Institucions y politica

Articlo prencipal : Institucions y politica en a Unión Europea

L'UE conta con cinco institucions, tenendo cada una d'ellas una función especifica:

Parlamento Europeu (esleito por los ciudadans d'os estaus miembros);
Consello d'a Unión Europea (representa a los Gubiernos d'os estaus miembros);
Comisión Europea (motor y organo executivo);
Tribunal de Chusticia d'a Unión Europea (guarancia o cumplimiento d'a lei);
Tribunal de Cuentas Europeu (efectua o control d'a legalidat y a regularidat d'a chestación d'o presupuesto d'a UE).

Antimás conta tamién con cinco importants organismos: o Banco Central Europeu, o Comité Economico y Social Europeu, o Comité d'as Rechions, o Banco Europeu d'Inversions, a Esfensoría d'o Pueblo Europeu y a Europol.

Cheografía

Articlo prencipal: Zona natural d'a Unión Europea

A Unión Europea tien una superficie total de 3.973.597 km². Muga con Noruega, Rusia, Belarrusia, Ucraína, Moldavia, Turquía, Suiza, Albania, Serbia, Macedonya d'o Norte, Andorra, San Marino, Liechtenstein, Mónegue, Ciudat d'o Vaticano y Marruecos.

Países y territorios d'ultramar

Los países y territorios d'ultramar (PTU) son países que no fan parte d'o territorio comunitario (a diferencia d'os DU); Los ciudadans d'os PTU tienen a nacionalidat d'os estaus miembros de que dependen (sindembargo, en bels casos los suyos ciudadans no poseyen a ciudadanía plena de tals estaus ).

Os países y territorios d'ultramar son os siguients:

PTU franceses: Mayotte, Nueva Caledonya, Polinesia Francesa, Saint-Pierre y Miquelon, Territorios Australs Franceses y Islas Wallis y Futuna.
PTU neerlandeses: Aruba, Antillas Neerlandesas (Curaçao, Bonaire, Sant Martín, Sant Eustaquio y Saba).
País que tien relacions especials con o Reino de Dinamarca: Groenlandia.

	Idioma local	*
estaus
Alemanya	Deutschland	DE
Austria	Österreich	AT
Belchica	Belgique	BE
Bulgaria	Bălgarija	BG
Chipre	Kypros	CY
Croacia	Hrvatska	HR
Dinamarca	Danmark	DK
Eslovaquia	Slovensko	SK
Eslovenia	Slovenija	SI
Espanya	Espanya	ES
Estonia	Eesti	EE
Finlandia	Suomi	FI
Francia	France	FR
Grecia	Ellada	GR
Irlanda	Éire	IE
Italia	Italia	IT
Letonia	Latvija	LV
Lituania	Lietuva	LT
Luxemburgo	Luxembourg	LU
Malta	Malta	MT
Hongría	Magyarország	HU
Países Baixos	Nederland	NL
Polonia	Polska	PL
Portugal	Portugal	PT
Republica Checa	Česká republika	CZ
Rumania	România	RO
Suecia	Sverige	SE
Sin calendata
ARYM**	**	**
Turquía	Türkiye	TR

Rechión ultraperiferica d'a Unión Europea

Departamentos franceses d'ultramar: Guayana Francesa (GF) - Guadalupe (Francia) (GP) - Reunión (RE) - Martinica (MQ)
Rechions Autonomas de Portugal: Madeira (Mad) - Azores (Azo)
Comunidat autonoma espanyola d'as Islas Canarias (Can)

(*)= Abreviadura - Sigla
(**)= ARYM= Antigua Republica Yugoslava de Macedonya (Macedonya d'o Norte).

Estatisticas

Lista organizata en orden descendent d'alcuerdo a o numero d'habitants de cada país. Ista cifra ye a suya vegada proporcional a o numero de posientos que cada país tien en o Parlamento Europeu.

Estato	Anyada de ingreso	Población en millons	Aria (km²)	PIB (Millardos Euro) 2003	PIB percapita (Euro)	PIB contimparativo (EU15=100)	Posientos en o Parlamento 2004
Alemanya	1958 / 1990	82,4	357.021	2.129,2	25.840	96,8	99
Francia	1958	64,1	547.030	1.557,2	26.128	101,8	78
Italia	1958	57,3	301.320	1.300,9	22.704	95,7	78
Espanya	1986	44,0	504.782	743,0	17.862	86,3	54
Polonia	2004	38,2	312.685	185,2	4.849	42,6	54
Países Baixos	1958	16,2	41.526	453,8	28.012	106,1	27
Grecia	1981	11,0	131.940	153,5	13.951	73,8	24
Belchica	1958	10,4	30.510	267,5	25.719	104,3	22
Portugal	1986	10,4	92.931	130,8	12.582	66,5	24
R. Checa	2004	10,2	78.866	75,7	7.420	63,1	24
Hongría	2004	10,1	93.030	73,2	7.251	55,0	24
Suecia	1995	8,9	449.964	267,4	30.048	102,2	19
Austria	1995	8,1	83.858	224,3	27.688	108,5	18
Dinamarca	1973	5,4	43.094	187,8	34.787	110,5	14
Eslovaquia	2004	5,4	48.845	28,8	5.337	47,6	14
Finlandia	1995	5,2	337.030	143,4	27.581	99,2	14
Irlanda	1973	4,0	70.280	131,9	32.981	118,2	13
Lituania	2004	3,5	65.200	16,1	4.612	45,2	13
Letonia	2004	2,3	64.589	9,2	3.985	37,7	9
Eslovenia	2004	2,0	20.253	24,5	12.244	70,3	7
Estonia	2004	1,4	45.226	7,4	5.302	44,7	6
Chipre	2004	0,7	9.250	11,3	16.177	76,1	6
Luxemburgo	1958	0,4	2.586	23,5	58.690	185,5	6
Malta	2004	0,4	316	4,4	11.113	67,3	5
Total (EU-25)	2004	456,0	3.973.597	9.738,0	22.911	91,8	730

Economía

Articlo prencipal: Economía d'a Unión Europea

L'Euro ye a moneda d'a Euro Zona u Zona de l'Euro, composata por doce d'os 25 Estaus miembros d'a UE que comparten ista moneda unica. Los billez y monedas d'euro se metioron en circulación l'1 de chinero d'o 2002.

Demografía

Articlo prencipal: Demografía d'a Unión Europea

Población d'a UE

País	Población en millons	Densidat de población¹	% sobre o total de l'UE²	Movimiento de población³	Movimiento Natural⁴	Apoco Migratorio	Mullers por cada 100 hombres
Alemanya	82,4	230,6	18,1	0,0	-1,7	1,8	104,6
Francia	59,6	108,8	13,1	4,4	3,5	0,9	105,8
Italia	57,3	192,2	12,7	8,4	-0,5	8,9	—
Espanya	44,0	87,1	9,2	15,5	1,3	14,2	—
Polonia	38,2	123,6	8,4	-0,7	-0,4	-0.4	106,5
Países Baixos	16,2	473,7	3,6	3,8	3,7	0,2	102,0
Grecia	11,0	83,1	2,4	3,1	0,0	3,2	—
Belchica	10,4	337,1	2,3	3,9	0,5	3,4	104,4
Portugal	10,4	112,1	2,3	6,5	0,4	6,1	106,9
Republica Checa	10,2	129,7	2,2	0,8	-1,7	2,5	105,4
Hongría	10,1	109,5	2,2	-2,5	-4,1	1,5	110,5
Suecia	8,9	21,6	2,0	3,9	0,7	3,2	102,0
Austria	8,1	95,8	1,8	4,8	0,0	4,0	106,4
Dinamarca	5,4	124,3	1,2	2,6	1,3	1,3	102,2
Eslovaquia	5,4	109,7	1,2	0,2	-0,1	0,3	106,0
Finlandia	5,2	17,0	1,1	2,6	1,5	1,1	104,6
Irlanda	4,0	54,6	0,9	15,3	8,2	7,1	101,3
Lituania	3,5	53,3	0,8	-4,8	-3,0	-1,8	114,1
Letonia	2,3	36,5	0,5	-5,3	-4,9	-0,3	117,3
Eslovenia	2,0	98,3	0,4	0,7	-1,0	1,7	104,5
Estonia	1,4	30,2	0,3	-4,0	-3,7	-0,3	—
Chipre	0,7	118,4	0,2	21,4	3,8	17,8	104,0
Luxemburgo	0,4	170,9	0,1	7,3	2,8	4,7	102,8
Malta	0,4	1265,4	0,1	6,5	2,2	4,3	—
Fuent: Eurostat ¹ A densidat de población expresa en habitants por km². ² Población total de cada país representada como % d'a población total de l'UE. ³ Por 1.000 personas. Diferencia entre a grandaria d'a población de l'anyada 2003, con respective a o 2002. Ye igual a la suma alchebraica d'o creiximiento natural y d'o apoco migratorio (correchito). O creiximiento ye negativo cuan os suyos dos components son negativos u cuan un d'os dos ye negativo y superior a l'atro en valgua absoluta. ⁴ Por 1.000 personas. Diferencia entre as naixencias (vivos) y as muertes en o curso de l'anyada 2003. O creiximiento (u deficit) natural ye negativo, cuan as muertes son muitas mas que as naixencias.