The US FDA’s proposed rule on laboratory-developed tests: Impacts on clinical laboratory testing
Gregory Reid Wiseman (š. skammâmáánu 11. peeivi 1975 Baltimore, Maryland, Ovtâstum staatah) lii ovtâstumstaatâlâš astronaut, kote cuáŋuimáánu 3. peeivi 2023 väljejui Artemis II -mánudâšmääđhi astronautin.
Eellim
Reid Wiseman lii šoddâm Baltimorest, Ovtâstum staatâin. Sun luuvâi insnerin Johns Hopkins University -nommâsii ollâopâttuvâst, kost sun valmâštui maisterin ive 2006.[1][2]
Reid Wiseman lâi naaijâm Carroll (Taylor) Wisemanáin, mut Carroll jaamij ive 2020. Sunnui lává šoddâm kyehti nieidâ.[1]
Karrieer
Reid Wiseman lii uásálistám Almugijkoskâsii komovuotâsajattuv kirdemân 40/41 já lamaš komovuođâst ihepele vyesimáánust 2014 skammâmáánu 2014 räi. Sun lii toimâm meid astronauttoimâttuv (eŋgâlâskielân Astronaut Office) hovdân kyehti ive juovlâmáánust 2020 skammâmáánun 2022. Sun jooskâi taan pargoost, tastko sun halijdij maassâd kirdemáid.[1][3]
Artemis II
Cuáŋuimáánu 3. peeivi 2023 Reid Wiseman väljejui Artemis II -mánudâšmääđhi astronautin oovtâst Christina Hammock Kocháin, Victor J. Gloveráin já Jeremy Hansenáin. Wiseman tuáimá meid Artemis II -kirdemvuáru komendeijen.
Fáádást eres soojijn
Wikimedia Commonsist láá koveh teikkâ eres tiätuvuárháh fáádást Reid Wiseman.
Käldeeh
- ↑ 1,0 1,1 1,2 Whiting, Melanie: G. Reid Wiseman (Captain, U.S. Navy) NASA Astronaut NASA. 1.3.2016. Čujottum 16.4.2023. (eŋgâlâskielân)
- ↑ Roylance, Frank D: Gregory Wiseman picked to be astronaut. The Baltimore Sun, 30.6.2009, s. 4. (eŋgâlâskielân)
- ↑ Olthuis, Márjá-Liisá: Artemis II -mánudâšmääđhi astronauteh láá väljejum | Anarâš aavis anarasaavis.fi. Čujottum 16.4.2023.
