The US FDA’s proposed rule on laboratory-developed tests: Impacts on clinical laboratory testing

Anetta Sidorova
Bizitza
Jaiotza	Tylovai, 1939ko azaroaren 20a
Herrialdea	Sobietar Errepublika Sozialisten Batasuna ; Errusia
Heriotza	2024ko ekainaren 10a (84 urte)
Hezkuntza
Hizkuntzak	errusiera
Jarduerak
Jarduerak	kazetaria eta politikaria

Anetta Petrovna Sidorova, jaiotzez Ponomariova^[1], (errusieraz: Анэтта Петровна Сидорова (Пономарёва); Tylovai, 1939ko azaroaren 20a – 2024ko ekainaren 10a^[2]) errusiar-sobietar kazetari eta politikaria izan zen. 1984tik 1995era, Udmurtiako Sobietar Errepublika Sozialista Autonomoko eta Udmurtiako Errepublikako kultura sailburu izan zen^[3].

Bizitza

Anetta Sidorova Udmurtiako Tylovai herri txikian jaio zen. Haren aitak Bigarren Mundu Gerran parte hartu zuen, eta gerra amaitu eta hiru urtera hil zen. Ama paramedikua zen, eta alargundu ondoren bakarrik hazi zituen bi alaba. Umetan Anettak irakasle izateko gogoa zuen^[4], baina 1956an eskolan graduatu^[5] eta gero lanean hastea erabaki zuen amari laguntzeko^[4].

18 urte zituela, Mikhail Sidorov gidariarekin ezkondu zen. Ikasten jarraitu nahi zuen, baina senarra eta amaginarreba ideia horren aurka agertu ziren. Telefono operadore gisa lan egin zuen Nizhniaia Pykhta herriko komunikazio sailean, eta 1958az geroztik Debiosyko barrutiko nekazaritza saileko idazkari mekanografiatzaile. 1965ean Permeko Estatu Unibertsitateko geografia fakultatean lizentziatu zen^[4]^[5].

1962tik 1968ra, Kezko barrutiko Zvezda egunkariko zuzentzaile, literatura-langile eta erredakzioko gutunen saileko buru izan zen. Handik gutxira, Sobietar Batasuneko Alderdi Komunistako eskualde-batzordeak Sverdlovskeko Goi Alderdi Eskolara ikastera bidali zuen. Bi urte geroago Udmurtiara itzuli zen, eta barrutiko batzordeko propaganda eta asaldura saileko buru izendatu zuten^[4].

1970eko hamarkadaren hasieran, Izhevskera gonbidatu zuten abeltzainen lanari buruz telebistan kontatzeko. Handik gutxira, errepublikako kultura sailburuorde kargua hutsik geratu zenean, elkarrizketa baterako gonbidapena egin zioten. 12 urtez geratu zen kargu horretan, eta 1984an sailburu izendatu zuten. 1993an kultur erakundeen kudeaketa praktikak egin zituen Alemanian^[5].

1995etik 2000ra, Udmurtiako Errepublikako Kontseiluko batzorde iraunkorreko erreferente izan zen. 2000tik 2003ra, Udmurtiako Estatuko Opera eta Ballet Antzokiko zuzendaria izan zen^[5].

2024ko ekainaren 10ean hil zen, 84 urte zituela^[2].

Erreferentziak

↑ 156. Alfabeto zirilikoz idatzitako izenak euskarara aldatzeko transkripzio-sistema. Gasteiz: Euskaltzaindia (argitaratze data: 2009-02-27) (Noiz kontsultatua: 2024-06-12).
↑ ^a ^b (Errusieraz) «Скончалась Сидорова Анэтта Петровна» Министерство культуры Удмуртской Республики 2024-06-10 (Noiz kontsultatua: 2024-11-05).^{[Betiko hautsitako esteka]}
↑ (Errusieraz) Туганаев, Виктор. (2008). «Сидорова Анетта Петровна» Удмуртская Республика: Энциклопедия. (2. argitaraldia) Ижевск: Издательство «Удмуртия», 613 or. ISBN 978-5-7659-0486-2..
↑ ^a ^b ^c ^d (Errusieraz) Павлова, Галина. «Мои года – мое богатство» Московский комсомолец 2014-05-28 jatorrizkotik artxibatua (artxibatze data: 2018-10-02) (Noiz kontsultatua: 2024-06-12).
↑ ^a ^b ^c ^d (Errusieraz) «Сидорова Анэтта Петровна (1939 г. - ) - общественный деятель, член Союза журналистов РФ, заслуженный работник культуры РФ и УР» ГКУ «ЦГА УР» jatorrizkotik artxibatua (artxibatze data: 2019-09-17) (Noiz kontsultatua: 2024-06-12).

Kanpo estekak

Datuak: Q109485223

[1] 156. Alfabeto zirilikoz idatzitako izenak euskarara aldatzeko transkripzio-sistema. Gasteiz: Euskaltzaindia (argitaratze data: 2009-02-27) (Noiz kontsultatua: 2024-06-12).

[:2-2] (Errusieraz) «Скончалась Сидорова Анэтта Петровна» Министерство культуры Удмуртской Республики 2024-06-10 (Noiz kontsultatua: 2024-11-05).^{[Betiko hautsitako esteka]}

[3] (Errusieraz) Туганаев, Виктор. (2008). «Сидорова Анетта Петровна» Удмуртская Республика: Энциклопедия. (2. argitaraldia) Ижевск: Издательство «Удмуртия», 613 or. ISBN 978-5-7659-0486-2..

[:0-4] (Errusieraz) Павлова, Галина. «Мои года – мое богатство» Московский комсомолец 2014-05-28 jatorrizkotik artxibatua (artxibatze data: 2018-10-02) (Noiz kontsultatua: 2024-06-12).

[:1-5] (Errusieraz) «Сидорова Анэтта Петровна (1939 г. - ) - общественный деятель, член Союза журналистов РФ, заслуженный работник культуры РФ и УР» ГКУ «ЦГА УР» jatorrizkotik artxibatua (artxibatze data: 2019-09-17) (Noiz kontsultatua: 2024-06-12).

[1]

[2]

[3]

[4]

[5]