The US FDA’s proposed rule on laboratory-developed tests: Impacts on clinical laboratory testing

Diwar-benn bloavezh 2004 an deiziadur gregorian eo ar bajenn-mañ.

Sellit ivez ouzh 2004 e Breizh.

Darvoudoù

Bloavezh etrebroadel kounañ ar stourm a-enep d'ar sklaverezh ha berz ar sklaverezh (1904).

1añ trimiziad

Munudoù : Genver 2004 - C'hwevrer 2004 - Meurzh 2004
3 Genver : Frikadenn nijadenn 604 ar Flash Airlines er Mor Ruz ; 148 den marv.
4 Genver : Trec’h eo Mikheil Saakachvili en dilennadeg prezidant e Jorjia.
8 Genver : Badezet ent ofisiel ar mordreizher Queen Elizabeth II.
13 Genver : Frikadenn un nijerez eus an Uzbekistan Airways nepell eus Tochkent ; 37 den marv.
15 Genver : Peñse ar vag-pesketa Bugaled Breizh (5 den kollet) e Kernev-Veur.
23 Genver : Prouiñ a ra ar sontenn europat Meurzh Express ez eus dour e stumm skorn war ar blanedenn Veurzh.
29 a viz Genver: pellgontrollet eo tour-tan Kereon eus tour-tan ar C'hreac'h ; mont a ra kuit an daou ward diwezhañ, Brian O'Rorke ha Yann-Fulup Rocher, eus Kereon da vat.
6 C'hwevrer : gwalldaoll sponterezh e metro Moskov ; 43 den lazhet.
13 C'hwevrer : Obidoù broadel Claude Ryan, penn Strollad frankizour Kebek etre 1978 ha 1982, e Penniliz Itron-Varia Montréal.
18 C'hwevrer : Tarzhañ a ra un treniad marc’hadourezh en Iran ; 320 den marv.
20 C'hwevrer : Mont a ra ar maout gant ar virourien e dilennadeg ar parlamant en Iran.
24 C'hwevrer : Kren-douar, 6,5 war skeuliad Richter e norzh Maroko ; 517 den marv.
2 Meurzh : Iraq : meur a walldaol dre vombezennoù a lazhas kantadoù a dud da geñver pirc'hirinded Karbala
2 Meurzh : SUA : John Kerry eo a vo an emstriver Demokrat evit an dilennadeg prezidant e miz Du.
11 Meurzh : Gwalldaolioù gwadek ar Yaou 11 Meurzh 2004 e Madrid, gant tost da 200 den lazhet hag ouzhpenn 1500 gloazet.
14 Meurzh : Addilennet eo Vladimir Poutin da brezidant Rusia.
15 Meurzh : Spagn : Trec’het eo José María Aznar (PP) gant emstriver ar PSOE José Luis Rodríguez Zapatero en dilennadeg evit ar parlamant.
26 a viz Meurzh: savet eo Emglev Dieub Europa evel ur strollad politikel europat.
28 Meurzh :
- Frañs : Dilennadeg rannvro 2004 e Frañs. Lanv roz er c’hwec’hkorn : 21 rannvro war 22 a ya gant an tu kleiz.
- Breizh : Jean-Yves an Drian dilennet prezidant Kuzul-rannvro Breizh. Mont a ra ar c’huzul a-gleiz evit ar wech kentañ. Dibab a ra ar prezidant faezhet Josilin a Roc’han distreiñ da Bariz.
29 a viz Meurzh:
- Bulgaria, Estonia, Latvia, Lituania, Roumania, Slovakia ha Slovenia a zeu da vezañ izili eus AFNA.
- 29 Meurzh: berzet eo butuniñ en holl lec’hioù labour, an ostalerioù hag ar pretioù en o zouez, e Republik Iwerzhon.

Eil trimiziad

Munudoù : Ebrel 2004 - Mae 2004 - Mezheven 2004
5 Ebrel : Deroù gweladenn ofisiel rouanez Bro-Saoz, Elesbed II e Frañs evit lidañ 100vet deiz-ha-bloaz an Emglev hegarat.
7 Ebrel : Rwanda, kounlid bedel dekvet deiz-ha-bloaz deroù gouennlazh 1994. Disklêriet eo bet an deiz gant an ABU "devezh prederiañ etrebroadel war gouennlazh Rwanda 1994".
8 Ebrel : Aljeria Addilennet Abdelaziz Bouteflika evel prezidant gant 83,49% eus ar mouezhioù. Kamm e vefe bet an dilennadegoù hervez an danvez-prezidanted all.
23 Ebrel : Frañs : Serret e Creutzwald ar vengleuz glaou diwezhañ er vro.
25 Ebrel : Argaset adunanidigezh an enez dre ur referendom e Kiprenez. A-du e oa an norzh turkat, ar su gresian a vot a-enep.
28 Ebrel : Diskuliet, a-drugarez d'ar mediaoù amerikan, ar boureviañ hag ar mezhekaat sevenet gant soudarded amerikan e toulloù-bac’h Iraq. Skandal vras gant embannididigezh luc’hskeudennoù tennet e bac’h Abu Ghraib.
29 Ebrel: Mali : Anvet eo Ahmid Mohammad ag Hamani da gentañ ministr.
1añ Mae : Emled Unaniezh Europa gant 10 Stad nevez (Kiprenez, Estonia, Hungaria, Latvia, Lituania, Malta, Polonia, Republik Tchek, Slovakia, Slovenia).
6 Mae : Abadenn ziwezhañ an heuliad skinwel Friends skignet war ar skinwel amerikan.
17 Mae : SUA : Lezennekaet an dimeziñ heñvelreviat gant Stad Massachusetts.
23 Mae : Horst Köhler dilennet da navet prezidant kevreadel Alamagn. Mont a ra en e garg d'ar 1añ Gouere da-heul.
5 Mezheven :
- Frañs : Aozañ a ra maer ekologour Bègles, Noël Mamère, an dimeziñ heñvelreviat kentañ er vro daoust ma oa bet berzet outañ en ober gant ar gouarnamant.
- Aet ar maout gant ar c’hoarierez tennis rusian Anastasia Myskina e 74vet dalc’h tournamant Roland-Garros.
6 Mezheven : Trec’h eo ar c’hoarier tennis arc’hantinat Gaston Gaudio e tournamant Roland-Garros.
13 Mezheven : Dilennadeg e Parlamant Europa gant 25 Stad. Lanv ruz e Frañs. Kastizet eo an darn vrasañ eus ar gournamantoù e plas.
18 Mezheven : Emglev ar pennoù-Stad evit ur Vonreizh europat.
28 Mezheven : Dilennadeg kevreadel e Kanada. Addilennet eo ar strollad frankizour, met n'emañ ket ar muiañ-niver gantañ e Kambr ar C’humunioù.
30 Mezheven : Treuziñ a ra ar sontenn Cassini-Huygens gwalennoù Sadorn ha kas a ra he skeudennoù kentañ.

Trede trimiziad

Munudoù : Gouere 2004 - Eost 2004 - Gwengolo 2004

20 Gouere :
- Frañs : Degemeret ul lezenn war reizhadenn ar surentez sokial.
- Belgia : Anne-Marie Lizin dilennet da brezidantez ar Sened; kentañ plac’h er post pouezus-mañ, an trede en urzh protokol Rouantelezh Belgia goude ar Roue ha prezidant ar Gambr met a-raok ar c’hentañ ministr.
30 Gouere : Tarzhadenn c’haz spontus e Ghislenghien, Belgia, 21 den lazhet, 120 gloazet.
1añ Eost : Paraguay : Tan-gwall en ur gourmarc’had en Asunción : 399 den lazhet, 144 aet diwar wel.
13 Eost :
- Frañs : vot ul lezenn digreizennañ a dreuzkas kefridioù nevez d'ar rannvroioù.
- SUA : 27 lazhet e Florida gant kelc’hwidenn Charley, 4 e Kuba hag 1 e Jamaika.
- Digor eo an XXVIII^vet C'hoarioù Olimpek en Aten.
31 Eost :
- Div dagadenn emlazh anzavet gant an Hamas e Beersheeva (Israel) : 16 den lazhet ha 80 gloazet.
- Tagadenn emlazh tchetchen e metro Moskov : 10 lazhet ha 60 gloazet.
1añ Gwengolo : Kemeret da ouestl ur 1000 bugel bennak en ur skol e Beslan e Norzhosetia.
2 Gwengolo : Frañs : Muntret daou enseller al labour gant ul labourer-douar e Saussignac.
3 Gwengolo :
- Argad reuziek an nerzhioù surentez rusian war skol Beslan ; ouzhpenn 335 den lazhet, kalz a vugale en o zouez.
- Kelc'hwidenn Frances zo kaoz da 10 den koll o buhez e Stad Florida.
7 Gwengolo : 37 den lazhet e Granada gant ar gelc’hwidenn Ivan, 5 marv e Venezuela ha 4 er Republik Dominikan. Spontus eo ar freuz.
18 Gwengolo : Dic’hastet Haiti gant ar gorventenn drovanel Jeanne. Tri deiz war-lerc’h e sav ar bilañs da c’hortoz da 700 aet d'an anaon ha 1000 aet diwar wel.
19 Gwengolo : Iraq : Embannet ur video war ul lec’hienn islamek a ziskouez evit doare 3 ezel eus Strollad demokratek Kurdistan (SDK) o vezañ dibennet, e norzh ar vro.
20 Gwengolo :
- Frañs : Digeriñ a ra parked Pariz un enklask justis evit priziañ heuliadoù denel an arnodoù nukleel kaset da benn gant Frañs etre 1960 ha 1996 ken er Sahara aljerian ken e Polinezia..
- Iraq : Dibennet an deiz war-lerc’h egile an 2 ouestlad amerikan Eugène Amstrong ha Jack Hensley hag ur Breizhveuriad bet skrapet d'ar 16 Gwengolo gant bagad Abou Mousab al-Zarqaoui, « Unaniezh ha brezel santel ».

Pevare trimiziad

Munudoù : Here 2004 - Du 2004 - Kerzu 2004
5 Here : Kanada : Tan e bourzh ar splujerez kanadian NCSM Chicoutimi ; 1 marvet.
8 Here :
- Iraq : Dibennet ar gouestlad saoz Kenneth Bigley gant e skraperien.
- Egipt : Daou walldaol gant kirri-pej e Taba, lec’h vakañsiñ evit kalz a Israeliz; 34 lazhet.
- Breizh : Vot a-unvouezh Kuzul-rannvro Breizh evit ma vo adunanet ar vro.
9 Here : Afghanistan : Dilennadeg demokratel kentañ.
24 Here : Brazil : Galloud egorel nevez goude berzh he bannadenn gentañ en egor.
25 Here :
- Frañs : Kentañ abadenn ar chadenn c’hall Pink TV, troet dreist-holl war-du arvesterien heñvelreviat.
- Thailand : Moustret ur vanifestadeg, 68 den lazhet.
29 Here : UE : Sinet e Roma Feur-emglev Roma 2004, anvet « Ur Vonreizh evit Europa ».
31 Here : Uruguay : anvet eo Tabaré Vázquez da brezidant. Trec’h istorel evit an tu kleiz.
2 Du : SUA : addilennet George Walker Bush da brezidant ar Stadoù-Unanet evit ur respet a 4 bloaz.
6 Du : Aod an Olifant : Taget an arme c’hall gant arme ar Stad. 9 den lazhet. Enepargadiñ a ra ar Frañsizien ha distruj aerlu ha nerzhioù enepaerlu an Olifantiz. Tenn an aergelc’h er vro, treuzkaset kuit er goudor miliadoù a estrañjourien .
7 Du : Iraq : Tagadenn amerikan vras war kêr Falloujah.
9 Du : Abidjan : Manifestadeg enep bezañs an arme c’hall er vro. Tennañ a ra ar Frañsizien war an engroez. Kontet e vez etre 7 ha 60 den lazhet hervez ar mammennoù kelaouiñ.
11 Du :
- Palestina : Mont a ra Yasir Arafat d'an anaon e Clamart, nepell eus Pariz, da 3 h 30 eur Pariz; ospitalekaet e oa eno abaoe an 29 Here.
- Lituania : Gwiriekaet Feur-emglev Roma 2004 ganti.
13 Du : Iraq : Mestr eo an Amerikaned war Falloujah goude 6 devezh emgann.
21 Du : Ukraina : Tabut goude an dilennadeg prezidant.
24 a viz Du:gouarnamant Iwerzhon a c'houlenn e vije ofisiel an iwerzhoneg en Unaniezh Europa.
30 Du : Breizh : Vot a-unvouezh kuzul-departamant ar Mor-Bihan evit staliañ ur panellerezh divyezhek war hentoù an departamant.
14 Kerzu : Frañs : Digoret Karrbont Millau, pont uhelañ ar bed, e Milhau (Okitania). Savet eo bet gant Eiffage ha treset gant Norman Foster.
17 Kerzu : Breizh : Vot a-unvouezh Kuzul-rannvro Breizh war ar Steuñv evit ur Politikerezh Yezh kinniget gant ar c’huzulier sokialour Yann-Bêr Thomin e karg eus ar brezhoneg.
20 Kerzu : Hungaria : gwiriekaet Feur-emglev Roma 2004 ganti.
22 Kerzu : Iraq : Laosket eo da vont an daou ouestlad ha kazetennerien c'hall Georges Malbrunot ha Christian Chesnot, bet bac’het 124 devezh-pad.
26 Kerzu :
- Azia : Ur mell Kren-douar, 9,0 e ampled war skeul Richter, an epikreiz anezhañ en donvor da enez indonezian Sumatra, a zegas d'e heul un heuliad barroù reverzhi (un tsunami) zo pennkaoz da 250 00 den mervel e meurvor indez.
- Ukraina : Trec’h eo Viktor Iouchtchenko en dilennadeg prezidant.
- Evit ar wech kentañ er bed ez embann a ra, er gelaouenn Nature Biotechnology, ur skipailh Frañsizien arbennigourien war an hematologiezh bezañ deuet a-benn da oberiañ "in vitro" ur c’hementad bras a c’hlobulennoù ruz tud zo war un dro darev hag arc’hwelek.

Prizioù Nobel

Fizik - David J. Gross, H. David Politzer ha Frank Wilczek
Kimiezh - Aaron Ciechanover, Avram Hershko hag Irwin Rose
Mezegiezh - Linda B. Buck ha Richard Axel
Lennegezh - Elfriede Jelinek
Peoc’h - Wangari Maathai

Ganedigezhioù

Marvioù

The US FDA’s proposed rule on laboratory-developed tests: Impacts on clinical laboratory testing

Darvoudoù

1añ trimiziad

Eil trimiziad

Trede trimiziad

Pevare trimiziad

Prizioù Nobel

Ganedigezhioù

Marvioù

Genver

C'hwevrer

Meurzh

Ebrel

Mae

Mezheven

Gouere

Eost

Gwengolo

Here

Du

Kerzu