The US FDA’s proposed rule on laboratory-developed tests: Impacts on clinical laboratory testing

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O termin civilización tien una gran variedat de significatos relacionatos con a sociedat humana. En a mayoría d'os casos se'n fa uso ta referir-se a las sociedaz complexas u desembolicatas: aquellas que practican l'agricultura, tienen una división d'o treballo significativa, y una densidat de población prou gran ta formar ciudatz. D'atra man, civilización tamién puet emplegar-se ta referir-se a la suma, grandaria u desembolique d'a humanidat y d'os logros d'os humans en cualsiquier orden,^[1] u en a cultura d'una comunidat en particular. A la fin, en un sentito mas amplo, a civilización se puet referir a la sociedat humana mundial.

Gosa considerar-se que una sociedat ye prou civilizada en dixar d'estar una sociedat tribal a on as relacions socials se basan sobre lo parentesco entre los suyos miembros ta convertir-se en una sociedat mas complexa a on i destacan bellas caracteristicas, como un urbanismo y una arquitectura prou desembolicaus que fan que una part important d'a población resida en as ciudatz u a lo menos en pueblos como consecuencia de l'estendillamiento d'o sedentarismo, un desembolique de l'agricultura y la ganadería que permita mantener a la población que no tienga o suyo treballo en o sector primario y faiga posible asinas una división d'o treballo que a la vegada permita o intercambio d'excedents de producción en forma de comercio con as sociedaz mugants u amanadas, una politica u poder politico prou centralizau y fuerte como ta creyar formas de control gubernamentals (estau, leis, exercito, monarquías, etc) y relichiosas (clero, templos...) sobre os ciudadans, y un desembolique cheneral d'o conoiximiento basau en a escritura superando a transmisión oral que permita a transmisión acumulativa en o tiempo d'ixe conoiximiento enta las succesivas cheneracions permetendo asinas l'aparixión d'inventos industrials que comporten o creiximiento d'a producción y de l'excedent ta continar a expansión d'a civilización.

Antiparte, cualsiquier civilización tiene un principio y un final, como nos amuestra la Historia. A ormino, as civilizacions desparixen por una esferra, que puet estar bel desastre natural (tierratremo, erupcions volcanica, inundacions, huracans, etc), bella guerra u desastre militar, bella crisi economica u politica u bella situación que provoque un cambeo d'as condicions u d'a situación interna d'ixa civilización que faigan imposible a suya continación como tal. En desaparixer una civilización, gosa estar substituyida por una atra, asobent com cambeo u a lo menos transformación profunda d'a suya elite dirichent. Un eixemplo en ye la cinta Gone with the Wind, que amuestra la cayida d'o viello Sud en perder os Estaus Confederaus d'America a Guerra Civil d'os Estaus Unius y rematar asinas a esclavitut en que se basaba economicament o Sud, con as plantacions de cotón.

En o suyo sentiu mas amplo, civilización se converte en un cuasi sinonimo de Cultura, incluyindo-ie visions d'o mundo, ideolochía, costumbres, leis y institucions (ye decir, ixo que o marxismo y o materialismo histórico considerna as superestructuras, frente a las infrastructura formadas por os medios de producción y o treballo).

O termin civilización proviene d'o latín civis, "ciudadán" u "habitant d'un lugar", y d'o suyo adchectivo civilis. En iste sentito, "civilizato" significaba estar un ciudadán, una persona gubernata por as leis d'o suyo lugar, ciudat u comunidat.

O concepto de civilización naixió mientres o Sieglo d'as Luces, en o marco d'a Ilustración y se potenció con a Revolución francesa. En ixe marco politico y filosofico, se contraponeba civilización a barbarie, en considerando pues o termín como cuasi equivalent a progreso d'a Humanidat. Mientres o sieglo XIX ixo permitió considerar o colonialismo d'os países d'Europa (mas que mas Francia con l'Imperio Francés y Reino Uniu con l'Imperio Britanico) como una simpla tutela de pueblos civilizaus sobre pueblos no civilizaus u pueblos barbaros ta aportar-lis a civilización y incorporar-los a las nacions civilizadas, como expresión de l'imperialismo decimononico, un proceso que Rudyard Kiplig definiba prou bien en o suyo conoixiu poema La carga de l'hombre blanco (The White Man's Burden).

Ye nomás que dende meyaus d'o sieglo XX que lo termín civilización se converte en cuasi sinonimo de Cultura, en reivindicando asinas formas culturals desapareixidas u destruyidas por a colonización occidental, recuperando asinas una tradición filofica ya present en Espanya dende los tiempos d'o descubrimiento y posterior conquiesta d'America por l'Imperio Espanyol, con figuras como Bartolomé de las Casas, esfensor d'os amerindios mientres os debaz en a Chunta de Burgos y en a Chunta de Valladolit que rematoron en as clamadas Leis de Burgos. En o sieglo XX ista corrient, naixida de l'Antropolochía, se conoix como relativismo cultural.

Contino se listan as civilizacions mas relevants a lo largo d'a historia por continents, en una aproximación ni sistematica ni exhaustiva de clasificación:

• Africa:
  • Civilizacions africanas: Reino de Benín, Reino Dʿmt, Reino d'Aksum, Nobatia, Soldanato de Funj, Imperio Kanem-Bornu, Imperio Ashanti, Reino zulú.
  • Civilización arabe.
  • Civilización berber.
  • Civilización echipcia: Antigo Echipto, Imperio Antigo, Imperio Meyo, hicsos, Imperio Nuevo.
  • Civilización punica: Cartago.
• America:
  • Civilización amerindia.
  • Civilización andina: Cultura chavín, Civilización caral, Reino de Cuzco, Cultura chanca, Reino kolla, Cultura Chimcha, Reino chimú, Reinos aimara, Imperio Incaico.
  • Civilización inuit.
  • Civilización mesoamericana: Teotihuacán, Cultura olmeca, Cultura tolteca, Cultura zapoteca, Imperio Azteca, Civilización maya, Cultura maya.
• Asia:
  • Civilización chaponesa: Período Jōmon, Período Yayoi, Período Kofun, Período Asuka, Período Hakuhō, Período Nara, Período Heian, Shogunato Kamakura, Restauración Kenmu, Período Muromachi, Período Sengoku, Período Azuchi-Momoyama, Shogunato Tokugawa, Período Edo, Restauración Meichi.
  • Civilización chinesa: Imperio Chino (Dinastía Xia, Dinastía Shang, Dinastía Zhou, Dinastía Qin, Dinastía Han, Tres Reinos, Dinastía Jin, Dieciseis Reinos, Dinastías meridionals y septentrionals, Dinastía Tang, Cinco Dinastías y Diez Reinos. Dinastía Liao, Dinastía Song, Dinastía Xia Occidental, Dinastía Yuan, Dinastía Ming, Dinastía Qing).
  • Civilización d'a val de l'Indo: Mehrgarh, Harappa, Mohenjo-Daro.
  • Civilización hindú: Imperio Gupta, Imperio Maurya.
  • Civilización islamica: Islam, Califato Omeya, Califato Abasí, Al-Andalus, Califato de Cordoba, Imperio Otomán.
  • Civilización levantina: Fenicios (Tiro, Sidón), Reino de Frichia, Reino de Lidia, Imperio Hitita, Mitanni (Reino de Mitanni, hurritas).
  • Civilización mesopotamica u Civilizacions mesopotamicas:
    • Civilización caldeo-semita: Akkad, Asiria, Babilonia, Caldea, Elam (Reino d'Elam), Fenicia, Reino d'Israel, Lagash, Susa, Ugarit, Urartu (Reino de Urartu), Imperio neobabilonico.
    • Civilización sumeria: Sumeria (Sumer).
  • Civilización mongol: Imperio Mongol.
  • Civilización persa: Imperio Parto, Imperio Persa, Imperio Sasanida, Persepolis, Sogdiana.
  • Civilización surasiatica: Champa, Imperio khmer.
• Europa:
  • Civilización bizantina: Imperio Bizantín.
  • Civilización celta: Cultura d'os campos d'urnas, Cultura de La Tène.
  • Civilización chermanica (Pueblos chermanicos): Alamans, Alanos, Anglos, Angrivarios, Bayoarios, Burgundios, Chutos, Francos, Godos (Visigodos, Ostrogodos), Herulos, Longobardos, Queruscos, Saxons, Sueus, Vandalos.
  • Civilización carpato-danubiana: Reino de Dacia, Reino de Tracia, Reino odrisio.
  • Civilización cristiana medieval: Cristianismo, Imperio Bizantín, Imperio Carolinchio, Estaus Pontificios, Sacro Imperio Romano Chermanico, Corona d'Aragón, monarquías feudals, monarquías autoritarias.
  • Civilización eslava: pueblos eslaus, Imperio Bulgaro, Reino de Polonia, Republica d'as Dos Nacions, Rus de Kiev, Prencipau de de Vladimir-Súzdal, Prencipau de Moscú, Imperio Ruso, Revolución rusa, Unión Sovietica.
  • Civilización etrusca.
  • Civilización griega: Cultura de Sesklo, Cultura de Dimini, Antiga Grecia (Antiga Atenas, Esparta, Magna Grecia, Megara, Troya), reinos helenisticos (Echipto ptolemaico, Imperio Seleucida, Reino de Pergamo, Reino de Macedonya baixo Aleixandre lo Gran).
    • Civilización echea: Civilización cicladica (Creta, Thera), civilización micenica (Micenas, Tirinto), Civilización minoica (Knosos, Creta).
  • Civilización iberica: Cultura almeriense, Cultura argarica, Cultura d'o vaso campaniforme
  • Civilización machiar: machiars, Gran Prencipiau d'Hongría, Reino d'Hongría.
  • Civilización occidental: Imperio Portugués, Imperio Espanyol, Reino de Francia, Imperio Britanico, monarquía absoluta, Revolución francesa, Unificación d'Alemanya, Unificación d'Italia,Revolución industrial, Primera Guerra Mundial, Tercer Reich, Segunda Guerra Mundial, Estaus Unius.
  • Civilización romana: Civilización de Villanova Antiga Roma, Imperio Romano.
  • Civilización vikinga: vikingos.
• Oceanía:
  • Civilización melanesia.
  • Civilización polinesia: Maorís, Rapa Nui d'a isla de Pascua, Reino de Hawai.

• Historia
• Civilizacions precolombinas
• Antiga Grecia
• Imperio Romano
• Babilonia

Wikiquote tien una replega de frases celebres de u sobre Civilización.

• Se veigan as imáchens de Commons sobre a civilización.