The US FDA’s proposed rule on laboratory-developed tests: Impacts on clinical laboratory testing

Niger-Kongo-tale
Geografiese verspreiding:	Afrika suid van die Sahara
Genetiese klassifikasie:	Niger-Kongo  Niger-Kongo-tale
Onderafdelings:	Benue-Kongo Kwa Adamwa-Ubangi Gur Atlantiese groep Mande Kordofaniaans
Verspreiding van Niger-Kongo-tale

Die Niger-Kongo-tale is die grootste taalfamilie in Afrika en waarskynlik die grootste familie in die wêreld in terme van verskillende tale. Die taalfamilie is ná die Niger- en Kongoriviere genoem, dié twee belangrikste riviere in die verspreidingsgebied van die tale.

Die Niger-Kongo-tale bevat sowat 1400 tale wat deur omtrent 400 miljoen mense in Afrika suid van die Sahara gebesig word. Die verspreidingsgebied streek van Dakar in die weste tot Mombasa in die ooste en Kaapstad in die suide.

Die Niger-Kongo-tale is een van vier algemeen erkende taalfamilies in Afrika. Die ander is die Afro-Asiatiese, Nilo-Sahariese en Khoisan-tale.

Die Niger-Kongo-tale grens in die noordweste en die buitenste noordooste aan Afro-Asiatiese, in die sentrale en oostelike gebied Soedan aan Nilo-Sahariese tale. In die suidweste vorm die Khoisan-tale 'n enklawe binne die Bantoetale. Vir 'n oorsig sien die artikel Afrikatale.

Dit omvat die volgende taalgroepe:

• Benue-Kongo (bv. Igbo en Joroeba)
  • Bantoe (bv. Chichewa, Comoraans, Fang, Herero, Kikuyu, Kimbundu, Kinyarwanda, Kirundi, Kongo, Kwangali, Lingala, Luba-Kasai, Luganda, Oshiwambo, Shona, Swahili, Tsonga, Umbundu en Venda)
    • Nguni (bv. Noord-Ndebele, Suid-Ndebele, Swazi, Xhosa en Zoeloe)
    • Sotho (bv. Lozi, Noord-Sotho, Suid-Sotho en Tswana)
• Kwa (bv. Akan, Ewe en Fon)
• Adamwa-Ubangi (bv. Sango)
• Gur (bv. Mossi)
• Atlantiese groep (bv. Fula, Serer en Wolof)
• Mande (bv. Bambara, Dyula, Mandinka, Maninka en Soninke)
• Kordofaniaans

• Wikimedia Commons het meer media in die kategorie Niger-Kongo-tale.
• (en) "Ethnologue: Languages of the World, Seventeenth edition, Niger-Congo". Ethnologue. Besoek op 16 Augustus 2019.
• (en) "Niger-Congo languages". Encyclopædia Britannica. Besoek op 16 Augustus 2019.

Hierdie artikel oor 'n taal, taalgroep of taalfamilie is slegs 'n saadjie. Jy kan help deur .