QLIMS Certified Developers’ Program & Inaugural Members

Viljandi
	Viljandi na karće Estiskeje
	Viljandi na karće Estiskeje
Wopon a chorhoj
wopon	chorhoj
Zakładne daty
stat	Estiska
wysokosć	83 metrow n.m.hł.
přestrjeń	14,62 km²
wobydlerstwo	17.868 (2012)
hustosć zasydlenja	1.222,2 wob./km²
póstowe čisło	71020
předwólba	(+372) 372

58.36666666666725.6

Koordinaty: 58° 22′ S, 25° 36′ W

Viljandi (historiske němske mjeno – Fellin) je město na juhu Estiskeje. Je zarjadniske sydło wobwoda Viljandimaa.

Leži na sewjernym brjoze jězora Viljandi něhdźe 60 kilometrow wuchodnje Pärnuwa a 65 kilometrow zapadnje Tartuwa blisko wulkeho bahnišća Soomaa.

Ma něhdźe 17 tysac wobydlerjow.

Stawizny

Sydlišćo naspomni so prěni raz hižo w lěće 1154 přez arabskeho geografa Al-Idrisi. Estojo běchu pak prawdźepodobnje hižo do toho natwarili hród při tudyšim brjoze Viljandiskeho jězora. W lěće 1224 zahaji němski rjad twarjenje mócneho rjadneho hrodu, kotryž płaćeše sčasami jako najwjetši w cyłym Baltikumje. W lěće 1283 dósta sydlišćo wokoło hrodu měšćanske prawa. Započatk 14. lětstotka sta so ze sobustawom Hansy a wuznamnym wikowanišćom po puću do Ruskeje. 1365 podpisa so tule měrowe zrěčenje mjez Danskej a Hansu.

W Liwlandskej wójnje 1560 a znowa w Pólsko-ruskej wójnje započatk 17. lětstotka so město a hród nimale dospołnje zničištej, tak zo su jenož rozwaliny mócnych murjow hač do dźensnišeho wobchowali. Pod šwedskim knjejstwom w 17. lětstotku zhubi Fellin potom swój status jako města, dósta jón pak w Ruskim carstwje w lěće 1783 wróćo, jako sta so ze zarjadniskim sydłom Fellinskeho wokrjesa.

Wotkazaj

Commons: Viljandi – Zběrka wobrazow, widejow a awdiodatajow

Oficialna strona

Města w Estiskej